Lourenzá, 13 de abril de 2015. A corporación municipal de Lourenzá celebrará un pleno extraordinario este xoves, día 16, ás 10.00. Na sesión tratarase unha moción do goberno local para solicitar melloras no servizo de Correos que se ofrece no municipio e outra na que piden ao Ministerio de Justicia que o Xulgado de Paz de Lourenzá manteña os servizos e funcións de rexistro civil.
A portavoz do equipo de goberno, Lupe Flórez Seivane, explicou que unha das iniciativas é sobre “a perda de servizos que dende Correos tivemos nos últimos temos, reducíndose o persoal de reparto así como o horario de atención e de apertura na oficina que temos no noso concello. Sendo conscientes desta perda de servizos e da calidade dos mesmos para os nosos veciños vamos propoñerlle ao pleno municipal un acordo consistente en tres puntos: o primeiro deles fai referencia á contratación dun empregado de apoio para realizar o reparto de correo polas parroquias que conforman o val de Lourenzá; o segundo punto é sobre o incremento no horario de atención ao público na oficina de Correos situada na parroquia de Santa María; e o terceiro punto refírese á informatización das operacións na oficina actual para facilitarlles aos veciños a realización de xestións que a día de hoxe non poden levar a cabo na mesma, polo que deben desprazarse a concellos veciños para poder facelas, é o caso de certificados, pago de multas e sancións, envíos contrareembolso, xiros de efectivo, etcétera”.
Lupe Flórez comentou tamén que a segunda moción presentada polo goberno local para a sesión plenaria deste xoves “fai referencia á aplicación da lei 20/2011, do 11 de xullo, do Rexistro Civil e sendo conscientes do que as modificacións desta lei vai supoñerlle ao actual Xulgado de Paz de Lourenzá, tendo en conta tamén a dispersión poboacional do noso concello e do avellentamento da mesma e, polo tanto, das dificultades que o afastamento destes servizos suporá para os nosos veciños. Polo tanto tendo en conta todo isto imos solicitarlle á corporación municipal que acorde solicitarlle ao Ministerio de Justicia que adopte o mantemento dos servizos e funcións rexistrais civís no concello de Lourenzá a través do Xulgado de Paz que xa existen na actualidade, sen prexuízo de considerar a nova natureza administrativa do rexistro civil”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
