Os DOMINGOS A PÉ están concibidos como unha xornada de lecer para mulleres aproveitando o exercicio físico, o goce da natureza e o trato coas compañeiras de camiño. Nesta ocasión, o domingo 19 de abril realizarase o roteiro “Cangas de Foz-Foz: pola costa”, guiado por Teresa Díaz, da Asociación Pena Tallada. A saída está prevista para as 11.15 horas da estación de tren de Ribadeo e a volta para as 18.00 horas. É aconsellable levar roupa e calzado cómodo, así como o xantar, xa que se parará polo camiño. Para participar nos domingos a pé do día 19 de abril, é necesario inscribirse nas Oficinas do CIM (rúa Bos Aires, s/n (Auditorio) de Ribadeo ou chamando ao número de teléfono 982 120 739.
Roteiro organizado polo CIM de Ribadeo
Relacionado
-
Aberto o prazo para participar no Mercadiño de Nadal de Lourenzá, que se celebrará o 20 de decembro
-
Unha proposta de novo circo para público de familiar chega ao Teatro Pastor Díaz de Viveiro este sábado 17 ás 18:00 h: ‘Sen Patrón’, da compañía Pistacatro, Premio Nacional de Circo 2025
-
A conselleira do Mar, Marta Villaverde, mantivo este martes unha reunión co secretario xeral de FeSMC-UXT Galicia, Lalo Romero, e co responsable do sector marítimo-portuario desta organización sindical, Carlos Tubío
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
