Cervo, 17 de abril de 2015.- O conselleiro de Economía e Industria, Francisco Conde, visitou este venres, xunto aos eurodeputados Pilar del Castillo e Francisco Millán, as instalacións de Alcoa en San Cibrao, onde salientou que a compañía configúrase como “o mellor exemplo” do potencial da industria galega en Europa. Neste sentido, o titular de Economía e Industria sinalou que Alcoa tense convertido nun referente do sector resultando unha das mellores plantas europeas e do mundo de produción de aluminio, motivo do interese dos eurodeputados en coñecer as súas infraestruturas.
“Esta visita responde ao compromiso co tecido produtivo galego dos eurodeputados Pilar del Castillo e Francisco Millán Mon”, incidiu Conde, quen destacou a aposta da Unión Europea por un crecemento “sostible e intelixente” no que a innovación e a industria son “dous puntos determinantes”, e onde debe atoparse o “equilibro entre o custo da enerxía, os impactos medio ambientais e a propia industrialización”.
Neste contexto, Pilar de Castillo salientou o interese por coñecer de primeira man o impacto de posibles aumentos do prezo dos dereitos de emisión na competitividade industrial. Por este motivo, avanzou, a Comisión de Industria, Investigación e Enerxía do Parlamento europeo, da que é membro, traballa na procura de solucións en relación á deslocalización e aos estímulos que reciben as empresas, onde entran as industrias de consumo intensivo de enerxía.
“Desde a Xunta estamos a traballar, en colaboración coas institucións europeas, apostando por unha reindustrialización e por unha maior modernización do noso tecido produtivo”, salientou o conselleiro. Un traballo no que, segundo apuntou, as empresas electrointensivas xogan un “papel determinante” para a creación de emprego, e onde Galicia ten un gran peso. “O noso sector metalúrxico factura preto de 15.000 millóns ao ano, empregando a 55.000 persoas”, subliñou Conde.
No desenvolvemento da industria galega, e no sector metalúrxico en particular, explicou o titular de Economía, Alcoa ocupa un lugar fundamental. A súa importancia, destacou, fai dela “o principal motor económico e social da Mariña”, empregando arredor de 1.600 traballadores entre directos e indirectos.
“A aposta de Alcoa por Galicia tradúcese nos importantes investimentos realizados durante estes anos”, subliñou o conselleiro, quen destacou que deste xeito a compañía ten reducido os custos de produción ou elevado a súa flexibilidade.
Así mesmo, salientou Conde, a planta de San Cibrao ten apostado polo gas natural nos procesos de produción. Unha decisión para a que ten contado co apoio do Goberno galego e que leva aparelladas melloras económicas e ambientais
Un cambio que, segundo destacou o conselleiro, vese reforzado co novo gasoduto da Mariña, inaugurado a principios de ano, e que se configura como unha estrutura fundamental para o desenvolvemento económico e a mellora competitiva non só de Alcoa senón de toda a industria da comarca.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
