Burela, 17 de abril de 2015.- O Burela FS Pescados Rubén despedirase este sábado a domicilio na pista do Aspil Vidal Ribera Navarra ante as cámaras de Teledeporte. O partido da penúltima xornada de Primeira División LNFS, no Cidade de Tudela, arrincará ás 13.00 horas.
Desde a novena praza, con 34 puntos, os pupilos de Juanlu buscarán pechar a liga mantendo a grande actitude demostrada durante toda a tempada. Mediranse a un rival moi motivado, que ocupa a sexta praza (48 puntos) nunha zona moi movida da táboa e que vén de impoñerse na casa do FC Barcelona (2-4). “É un rival difícil, cunha cancha difícil, que nos esperará moi motivado posto que ten opcións de pelexar pola cuarta praza pero tamén pode caer ata a oitava. Para eles é importante e por iso nos esperarán con todo” explicaba o técnico laranxa, puntualizando sobre a situación dispar dos dous equipos: “As rectas finais sempre son complicadas; os dous equipos chegamos con metas diferentes; a súa motivación márcaa a clasificación e a nosa o orgullo. Para nós será un partido bonito, co bo ambiente que sempre se vive en Tudela e televisado. Nós tamén queremos seguir demostrando nosa boa actitude”.
A expedición laranxa partiu esta mañá ás 11.00 horas, sen contratempos, tras o último adestramento da semana, sen Jorge Bellvert nin Matamoros, por lesión.
Convocatoria Aspil Vidal Ribera Navarra FS: 2. David, 3. Hamza, 4. Roger, 5. Palmas, 6. Luisma, 8. Andresito, 10. Joselito, 11. Lucas, 14. Jesús, 15. Molina, 17. Zardoya, 19. R. Orzáez
Convocatoria Burela FS Pescados Rubén: 1. Edu, 5. Iago Míguez, 7. Isi, 9. Behroz, 11.Chano, 13. Álex, 14. Miguel, 17. Carlitos, 23. Antoñito, 27. Renato, 29. Ángel, 30. Hélder
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
