O Bloque Nacionalista Galego deu a coñecer as persoas que acompañarán ao actual Alcalde, Federico Gutiérrez Estoa, na candidatura coa que os nacionalistas aspiran a revalidar o Goberno de Riotorto. Unha candidatura, que en palabras de Estoa, “garante que Riotorto siga gañando”.
Estoa quixo lembrar e recoñecer o traballo desenvolto por Sandra Acebrás, Carlos Rico e Xorxe Cavodevila, persoas que fixeron parte canda el da corporación nos últimos anos e que nesta ocasión ocupan os últimos postos da candidatura. “ O seu traballo é un aval para a actual equipa do BNG, posto que detrás nosa hai feitos e solucións que é o que se debe esixir a calquera forza política con responsabilidades de goberno e non promesas e descualificacións”, indicou Estoa.
O rexedor de Riotorto destacou “a importante renovación da candidatura nos postos de cabeza, coa incorporación de tres persoas que nunca formaron parte da candidatura do BNG como Anxo Villada, natural de Espasande de Abaixo e mediador de seguros, Ana Gutiérrez, veciña das Rodrigas e Licenciada en Ciencias Políticas, e Daniel Castañal, orixinario da Orrea, veciño de Aldurfe, enxeñeiro e gandeiro . Persoas capaces, implicadas socialmente e que traen novos folgos a unha equipa que seguirá transformando o noso Concello”.
O cabeza de lista do BNG, Federico Gutiérrez Estoa, afirmou que “os homes e as mulleres que forman parte desta candidatura son moito máis que un suma de individualidades, son moito máis que un representación da nosa realidade social ou territorial, son una equipa que cos veciños aspiramos a seguir mellorando o noso presente para construír o futuro. Un equipa, ao fin é ao cabo, que responde a marca Riotorto, isto é traballo, solvencia e honradez”.
A candidatura completa é a seguinte:
1. Federico Gutiérrez Estoa, 50 anos, veciño de As Rodrigas, arquitecto técnico, concelleiro desde o ano 1999 e actual alcalde desde o ano 2007.
2. Anxo Villada Moirón, 49 anos, veciño de Espasande de Abaixo, mediador de seguros, preséntase por primeira vez.
3. Ana Gutiérrez Vidal, 38 anos, veciña de As Rodrigas, licenciada en Ciencias Políticas, preséntase por primeira vez.
4. Wanesa Gómez Lourido, 32 anos, veciña de Galegos, xornalista, é candidata por segunda vez.
5. Daniel Castañal García, 31 anos, nado na Órrea e veciño de Aldurfe, enxeñeiro e gandeiro, emigrante retornado do Reino Unido.
6. Rosa Fernández Ramallal, 43 anos, veciña da Augaxosa, acompañante de autobús, é candidata por segunda vez.
7. Carlos Peña Álvarez, 32 anos, veciño de Vilaseca, gandeiro, preséntase por primeira vez.
8. Severiano Cabodevila Fiallega, 44 anos, veciño de Santalla, constructor, é candidato por segunda vez.
9. Xorxe Cabodevila Logilde, 52 anos, veciño de Santa Marta, operario eléctrico, é actualmente concelleiro do BNG, posto que ocupa desde o ano 2011.
10. Sandra Acebrás Dopacio, 42 anos, veciña de As Rodrigas, hostaleira, actualmente é concelleira do BNG, posto que ocupa desde o ano 1999.
11. Carlos Rico Fernández, 56 anos, veciño da Órrea, mestre e funcionario de prisións, é actualmente concelleiro do BNG, posto que ocupa desde o ano 1999.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
