A Mariña, 18 de abril de 2015.- Os populares da Mariña lucense esixiron ao BNG que deixe de intoxicar e desinformar á poboación e aseguraron que o rexistro civil seguirá sendo público e gratuíto. Desde o PP lamentan a deriva do BNG obsesionado en xerar falsas alarmas e confundir á opinión pública.
Os populares negaron rotunda e categoricamente que o rexistro civil se estea a privatizar en aplicación da nova normativa e insisten en que, en ningún caso, os trámites que se efectúen levaran consigo algún custo para os cidadáns, como establece o novo proxecto de Lei no que traballa o Executivo central.
Desde o PP aseguran que cada un destes extremos foron confirmados repetidamente tanto desde o Ministerio de Xustiza como desde a propia Xunta, a última vez onte, coa comparecencia do director xeral de Xustiza no Parlamento de Galicia, onde aclarou que este rexistro seguirá a ser de uso público e gratuíto.
XESTIÓN ENCOMENDADA AOS REXISTRADORES
“Simplemente hai un cambio: o que antes levaban os xulgados pasan a levalo os rexistradores, que son tamén funcionarios públicos” – insisten desde o PP.
Os populares defenden que a nova nova normativa pretende mellorar o servizo e facilitar o acceso dos cidadáns a eses datos e certificacións, e de feito aclaran, que se pretende avanzar na posibilidade de realizar trámites electrónicos, desde internet.
“O rexistro civil será electrónico, público e gratuíto e a titularidade dos datos seguirán sendo estatal”, engadiron. Ademais, descartaron que vaia supoñer a perda de ningún posto de traballo nin de empregado público”.
DESXUDIALIZACIÓN NUNCA PRIVATIZACIÓN
Por último, explicaron que con este cambio se pretende “descargar aos órganos xudiciais de labores que non sexan propias da Administración de xustiza, como a levanza de rexistros,”. “Os xuíces están para administrar xustiza”, insisten os populares
Desde o PP din que a dedicación deste persoal á función xudicial “supoñerán axilizar a tramitación e resolución de asuntos xudiciais, ao incrementarse as dotacións actuais”, xa que “contar con máis medios persoais libres de outras funcións levará consigo unha redución dos tempos de espera na Xustiza”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
