Burela, 18 de abril de 2015. O alcalde burelés, José María González Barcia, manifestou este sábado que ve “moi factible e positiva a solución para Ecesa que se plantexa a través da compra que ten previsto facer Miduesa, xa que prevé manter a actividade da empresa, o que vai supoñer manter se non todos sí gran parte dos postos de traballo, e isto é algo que nos satisface”.
O rexedor burelés mantivo este venres unha reunión co administrador concursal de Área Minera del Atlántico, quen lle trasladou toda a información existente hasta o momento sobre o proceso concursal e sobre a adxudicación das instalacións de Burela a Miduesa.
González Barcia afirmou que “aínda que no mundo empresarial sempre hai que ver as cousas con prudencia, o evidente é que esta é unha noticia moi esperanzadora. Quedan algúns pasos por dar, pero temos que ter confianza no traballo que se está a facer”.
Barcia manifestou que “desde o Concello, tal e como fixemos sempre, estamos dispostos a colaborar para que todo conclúa como todos agardamos. De feito, este mesmo venres nos puxemos en contacto coa Dirección Xeral de Enerxía e Minas para intercambiar información”.
O PSOE minte
En relación coa nota feita pública polo PSOE, González Barcia dixo que “loxicamente admito a crítica política, pero non admito mentiras, e quen ou quenes redactaron a nota do PSOE sobre Ecesa é ou son uns mentireiros. Teño que dicir que como alcalde reuninme cos sindicatos de Ecesa sempre que mo pediron, faltaría máis; tanto é así, que moito antes de que o PSOE se enterase do conflito, a dirección comarcal de UGT daquela xa se tivera posto en contacto con este alcalde para informalo da situación. Mesmo acudín con representantes dos traballadores a unha reunión á Delegación da Xunta en Lugo, para analizar a situación da mina logo da problemática suscitada pola greta. E tamén mantiven dúas reunións, xunto co administrador concursal, co Director Xeral de Enerxía e Minas. Probablemente isto non sexa moito, pero parado non estiven”.
“Quen non fixo nada de nada, salvo cuspir sapos como fan de costume, é o PSOE, que nin tan siquera foi capaz a presentar unha moción para pedir que o Concello se solidarizase cos traballadores de Ecesa. O que demostra que o seu compromiso con Ecesa e cos traballadores foi igual a cero. Polo tanto, teño que pensar que o que din agora sobre a solución plantexada é un monumental exercicio de cinismo”, rematou o alcalde burelés.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
