LUGO.- A Deputación ofrecerá ós concellos a opción de coñecer as necesidades que teñen en servizos básicos, segundo indicou Antonio Gato, deputado de Cooperación. Gato explicou que “a Deputación vai poñer en marcha unha nova vía de cooperación, con aqueles municipios que estean interesados para coñecer cales son as necesidades que teñen cada un deles en servizos básicos como o abastecemento, o saneamento, a depuración e a xestión de cobro”.
Noata de Prensa
A Deputación estudará a situación dos servizos do ciclo da auga nos Concellos da provincia
– Antonio Gato afirma que esta “é unha nova vía de cooperación coa que se pretende unha maior eficiencia dos servizos e un aforro de custos”
– O organismo provincial enviará proximamente unha carta a todos os Alcaldes e Alcaldesas para que se sumen a esta iniciativa
A Deputación contratará a realización dun estudo sobre a situación dos servizos municipais relacionados co ciclo integral da auga nos Concellos da provincia. O Deputado de Cooperación, Antonio Gato, que fixo este anuncio na rolda de prensa posterior á Xunta de Goberno deste venres, afirmou que “a Deputación vai poñer en marcha unha nova vía de cooperación, con aqueles municipios que estean interesados para coñecer cales son as necesidades que teñen cada un deles en servizos básicos como o abastecemento, o saneamento, a depuración e a xestión de cobro”.
Segundo avanzou, “un equipo de técnicos desprazarase a cada un dos Concellos que se sumen a esta iniciativa para coñecer a situación da que partimos”. O Deputado dixo que “esta auditoría é un primeiro paso que damos desde a Deputación e unha base sólida para iniciar unha cooperación nesta materia. A partir dos datos que obteñamos, poderemos analizar o traballo a realizar, como podería ser a mellora das instalacións ou a unión de varios Concellos para prestar de forma mancomunada estes servizos, co que se gañaría en eficiencia e se aforrarían custos”.
O Deputado de Cooperación cos Concellos sinalou que os servizos relacionados co ciclo da auga son custosos pero necesarios, “xa que debe haber un control riguroso tanto da auga que consumidos como dos vertidos resuduais, así como en todo o referente á xestión de cobro”.
Antonio Gato dixo que se enviará unha carta a todos os Alcaldes e Alcaldesas anunciándolles esta nova liña de cooperación. O Deputado estima que uns 50 municipios poderían sumarse a esta iniciativa.
Acordos Xunta de Goberno
Polo que se refire á Xunta de Goberno, aprobouse a modificación do trazado da estrada Castroverde-Souto de Torres Sobrado, entre os puntos quilométricos 0,000 e 2,280. Tal e como anunciara o Presidente da Deputación, José Ramón Gómez Besteiro, na visita que fixo a Castroverde este mércores, haberá dous cambios: por unha banda, eliminarase a curva prevista no proxecto inicial entre os puntos quilométricos 0,185 e 0,400 e, por outra, incluirase unha variante entre o 0,900 e o 1,300 para desviar a vía do núcleo de Outeiro. Estas modificacións non supoñen ningún cambio sobre o presuposto inicial, que ascende a 450.000 euros.
O goberno provincial tamén acordou a comparecencia da Deputación nun recurso contencioso-administrativo relativo a unha reclamación por responsabilidade patrimonial polo atropelo dun corzo na estrada provincial de Vilalba a Feira do Monte o 15 de outubro de 2008. O demandante reclama unha indemnización de 1.448 euros.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
