Madrid, 22 de abril de 2015.- Os deputados e senadores do PP pola provincia de Lugo criticaron este mércores que o líder socialista, Pedro Sánchez, prometese na mañá dese día na súa visita a Foz que o seu partido “continuará facendo xestións para lograr a urxente mellora integral da estrada N-642”. Para os parlamentarios lucenses, “prometer o que xa está conseguido e que o Ministerio de Fomento xa anunciou que vai facer só significa que o señor Pedro Sánchez decidiu entrar na campaña ao estilo Pepe Blanco, é dicir, prometendo cousas cada día pero sen facer nada”.
O deputado mariñano Jaime de Olano recordou que hai menos dun mes que o secretario xeral de Infraestruturas do Ministerio de Fomento, Manuel Niño González, acompañado polo xefe da Demarcación de Estradas do Estado en Galicia, Anxo González del Río, e polo responsable deste departamento en Lugo, Narciso González Florido, reuníronse co alcalde de Foz, Javier Jorge Castiñeira, e anunciaron a próxima licitación de obras de mellora por importe de 1,2 millóns de euros.
Ese mesmo día, o alcalde de Foz, Javier Jorge Castiñeira, xa agradeceu publicamente as xestións realizadas polo deputado Jaime de Olano e o senador José Manuel Barreiro, que foron as que fixeron posible a visita que finalmente se plasmou no compromiso de investir eses 1,2 millóns de euros nesta vía, de vital importancia para a bisbarra mariñana.
Precisamente este mércores, o ministerio de Fomento confirmou aos deputados e senadores do PP pola provincia de Lugo que a licitación deste proxecto de mellora para a N-642 se levará a cabo no segundo trimestre deste ano, é dicir, de forma inminente.
De Olano subliñou que durante os oito anos que gobernaron os socialistas non se fixo nada nesta infraestrutura, e tampouco na Mariña lucense, e espera que o anuncio de hoxe de Pedro Sánchez non signifique que a súa falta de experiencia lle leva a descoñecer que tras o anuncio da licitación hai que completar diversos trámites que fan que non se poidan comezar as obras de forma inmediata.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
