Madrid, 23 de abril de 2015.- A deputada socialista por Lugo Margarita Pérez Herraiz rexistrou no Congreso unha iniciativa coa que advirte que “a situación da Cámara de Comercio de Lugo pode provocar que os case 1.500 parados menores de 25 anos da provincia de Lugo queden á marxe de iniciativas de emprego do Plan de Garantía Xuvenil”. No caso da cidade de Lugo, apunta que o número deste tipo de parados se sitúa ao redor de 600 (*).
Pérez Herraiz explica que o Ministerio de Emprego e da Seguridade Social puxo en marcha unha iniciativa denominada “rede de oficinas de emprego novo” para facilitar a inscrición e o seguimento de mozos con idades comprendidas entre os 16 e 24 anos no Plan de Garantía Xuvenil; un programa que se financia con fondos europeos.
A este respecto, sinala que “o Ministerio desenvolve esta iniciativa en colaboración coas Cámaras de Comercio” e lamenta que “como a Cámara de Comercio de Lugo está practicamente inoperativa dende o mes de setembro pola dimisión da súa xunta directiva, os mozos parados da provincia de Lugo corren o risco de non poder acceder a esta rede do Plan de Garantía Xuvenil”.
Recorda a deputada socialista que “se trata dun Plan polo que os mozos menores de 25 anos que non estean a estudar e carezan de emprego poderán acceder a un emprego axeitado á súa formación ou a unha proposta de educación continua”. “Non obstante -reprocha- os parados novos da provincia non poderán gozar desta posibilidade se non se corrixe a situación pola que atravesa a Cámara de Comercio de Lugo ou se habilita unha alternativa”
Por iso, pide no Congreso “que o Goberno busque alternativas para os casos nos que non poida desenvolverse esta iniciativa en colaboración coas Cámaras de Comercio”. De non o facer, reclama que “o Goberno deberá compensar a discriminación na que estarán os 1.500 parados de menos de 25 anos da provincia de Lugo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
