Ribadeo 29 de abril de 2015.- Esta semana tratouse na Mesa Sectorial de Educación os Currículos da ESO e do Bacharelato para a aplicación da LOMCE e o seu calendario de implantación.
A CIG-Ensino reafirmase na necesidade da retirada desta lei e en todo caso adiar a súa implantación pois comprobouse a improvisación e o pouco consenso que suscita. Como ocorreu no curso anterior, coa aplicación en Primaria, os currículos non se van publicar até o mes de agosto pois antes desa data non conseguirá pasar todos os trámites legais. Dores Fernández Abel, secretaria da CIG-Ensino da Mariña, manifestou que “é un despropósito que se pretenda unha aplicación sen tempo suficiente e que provoca que o profesorado non conte cun documento definitivo para a realización das programacións e que os equipos directivos non poidan establecer que cadros de persoal precisan ao non ter as materias a impartir e as súas cargas horarias. Mesmo é un desprezo ás familias e ao alumnado.” Por todos estes motivos a CIG-Ensino pediu que o tema quedase sobre a mesa e que se adíe a aplicación da LOMCE en Secundaria.
A CIG-Ensino manifestou o seu rexeitamento ás reválidas, que van supoñer eliminar unha parte importante do alumnado do sistema educativo, a supresión na práctica da avaliación continua e o desprezo ao traballo do profesorado converténdoo case en exclusiva en preparadores de reválidas. Este decreto tamén invade claramente as competencias da Xunta en cousas como que os exames estean realizados e inclusive traducidos desde o Ministerio.
A CIG-Ensino tamén reclamou a redución das rateos a 20 e 25 alumnos na ESO e no Bacharelato, a redución destas rateos nas aulas de linguas estranxeiras, que non se límite ao número de alumnos a oferta das materias de libre configuración ou de especialidade, a eliminación da relixión do currículo escolar e que o portugués sexa unha das materias a ofertar como segunda lingua estranxeira.
A CIG-Ensino propuxo que en Filosofía se incremente a carga horaria de 1º de Bacharelato a tres horas, por ser unha materia troncal e imprescindíbel na formación do alumnado, proposta que foi aceptada pola Administración. En relación á materia de Tecnoloxía a CIG-Ensino propuxo que fose ofertada en 4º entre as materias troncais de opción na modalidade de ensinanzas académicas, que se cree un itinerario de tecnoloxía no bacharelato de ciencias que asegurare que os centros que hoxe imparten Tecnoloxía Industrial I e II no Bacharelato, poidan seguir a facelo. En Música que sexa impartida en 1º da ESO unha materia de libre configuración de contido musical para que non se produza a ruptura coa etapa de Primaria e que no Bacharelato se imparta Historia da música con 4 horas.
Drástica redución en Formación do profesorado
Nesta mesa tratouse tamén a orde de licenzas retribuídas por formación para o curso 2015-2016. A CIG-Ensino denunciou en primeiro lugar a drástica redución destas licenzas de formación (un 63%). Así como que non ten en conta as necesidades pedagóxico-didácticas do ensino na procura dun ensino de calidade. A Consellaría si aceptou que se lle permita participar nesta convocatoria ao profesorado interino.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
