O Gato Pardo proclámase campión da Liga de Veteranos de Viveiro desta temporada 2014/2015 revalidando o título acadado na pasada temporada e despois de coñecer a derrota en toda a temporada.
Gato Pardo suma 67 puntos en 23 xornadas debido ás súas 22 vitorias e un empate. E, pola súa banda, A Curva con 61 puntos logra a segunda posición e, polo tanto, o subcampionato.
O campión vencía por 10 goles a 1 ante o Mesón Lodeiro na vixésimo cuarta xornada e, igualmente, o subcampión lograba impoñerse por 0 a 7 ante Juve Chavín. Os dous primeiros da táboa medíanse a piques de rematar a temporada ós dous últimos da clasificación. No outro encontro celebrado o luns o resultado foi: O Mesón 2 – 3 Forum.
O xoves os partidos disputados remataron cos seguintes resultados:
O Recuncho 9 – 1 Temple Bar
Low Cost Bar 1 – 3 Flanagans
Cofipesca 4 – 1 Mesón A Fonte
A vindeira xornada mediranse:
Flanagans – Gato Pardo: o luns 11 de maio ás 20.30 horas.
Cofipesca – Forum: luns 11 de maio ás 21.15 horas.
Mesón A Fonte – Juve Chavín: luns 11 de maio ás 22.00 horas.
Temple Bar – O Mesón: xoves 14 de maio ás 20.30 horas.
Mesón Lodeiro – O Recuncho: xoves 14 de maio ás 21.15 horas.
A Curva – Óscar Joyeros: xoves 14 de maio ás 22.00 horas.
Descansa: Low Cost Bar.
Reunión sobre a Copa Veteranos 2015
O vindeiro xoves 14 de maio celebrarase unha reunión no pavillón municipal para abordar distintos aspectos da Copa de Veteranos de Viveiro 2015. Están convocados tódolos equipos da competición.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
