Mondoñedo, 16 de maio de 2015.- A candidata á alcaldía polo Partido Popular en Mondoñedo, Elena Candia, esbozou este sábado as principais liñas do seu programa electoral nas que o obxectivo “primordial” é o de xerar emprego e para iso “necesito seguir contando coa total axuda da Xunta de Galicia”.
A alcaldable popular explicou que Mondoñedo conta cos recursos suficientes para xerar emprego e que existe xa un proxecto en marcha, polo que a colaboración e o traballo paralelo entre a administración autonómica e o Concello será “un factor fundamental para a creación de postos de traballo no noso municipio”.
“ Queremos que Mondoñedo sexa impulsor do emprego local, berce das iniciativas emprendedoras… Con traballo, transpariencia e cercanía, e coa axuda de Alberto Núñez Feijóo, Mondoñedo medrará”, matizou a popular durante o mitin celebrado hoxe na Casa da Xuventude, coa participación do presidente do PP galego, Alberto Núñez Feijóo, e do provincial, José Manuel Barreiro.
Emprego e servizos sociais
A candidata, quen explicou as principais liñas do programa electoral do PP de Mondoñedo, dixo que “presentámonos cun programa que eleva o listón en emprego e servizos sociais. Un programa elaborado co apoio da xente, falando cos veciños e escoitando ás persoas”.
En concreto, na área de emprego a popular citou entre os compromisos do seu partido o da creación dun programa para impulsar Mondoñedo socioeconomicamente, que permita fixar empresas e apoiar ás existentes; a potenciación da implantación de industrias no polígono e mesmo a creación dun viveiro de empresas que permita apoiar aos emprendedores.
Nada mellorou en Mondoñedo
A alcaldable popular fixo tamén balance da xestión do bipartito local (BNG e PSOE), cos que “nada mellorou en Mondoñedo”. “Subíronse impostos, creouse algún novo, reducíronse servizos, a súa principal obra (a do Seminario) deixou a Mondoñedo en peor estado do que se atopaba”, exemplificou Candia, quen engadiu que “dende que Orlando é alcalde Vivir en Mondoñedo é máis caro, máis incómodo e con menos servizos”.
Por iso, Elena Candia pediu o voto para o seu proxecto “serio e firme” no que, segundo engadiu “me acompañan un grupo de persoas con ilusión, cercanas e comprometidas con Mondoñedo. Queremos un goberno cercano, dispoñible a todo o mundo. Un Concello próximo, sen esquecernos nunca do rural”.
“A nosa proposta é seria e ofrecemos xestión e organización, para iso necesitamos do apoio de todos, xa que o PP non só necesita ganar, que o leva facendo dende fai anos, senón tamén arrasar para que non se unan os perdedores”.
Agradecemento á Xunta de Galicia
A candidata á alcaldía tamén trasladou o seu agradecemento ao goberno galego, que durante estes anos manifestou un importante compromiso con Mondoñedo a través de iniciativas, como obradoiros de emprego, impulso as concentracións parcelarias, obras en infraestruturas como a LU-124, apoio en benestar e colaboración coas feiras e festas das San Lucas, entre outras.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
