Cervo, 19 de maio de 2015.- Os socialistas de Cervo celebraron este martes pola tarde un mitin no que o candidato á alcaldía, Francisco Mon Fernández, apostou por potenciar o turismo e o medio ambiente como motor económico do municipio mariñano. Mon subliñou a necesidade de acabar “coa pasividade e deixamento” do goberno municipal do PP, poñendo numerosos exemplos desta inacción, entre eles o proxecto da residencia da terceira idade, “que debería estar rematada no ano 2012, e aínda é hoxe o día no que non está, nin se lle espera”.
A Vicepresidenta Segunda da Deputación, Lara Méndez, e o voceiro socialista no Parlamento de Galicia, José Luis Méndez Romeu, arrouparon ao candidato do PSdeG nun acto que tivo lugar no salón de actos da Casa do Concello.
Francisco Mon recalcou que, fronte á parálise e esgotamento do PP, os socialistas teñen medidas claras e concretas para recuperar poboación en Cervo e impulsar un modelo económico e produtivo baseado no turismo e o medio ambiente, “que son o motor económico e a fonte de riqueza do noso concello”.
Nesta mesma liña incidiu a número 2 da lista do PSdeG cervense, Luján Ramos Ben, quen asegurou que os socialistas “temos ganas, ilusión, compromiso e proxecto para sacar a Cervo adiante e convertelo nun concello vivo e puxante”, ademais de garantir “os piares do benestar a nivel municipal: os servizos sociais, a educación e a sanidade”.
A Vicepresidenta da Deputación asegurou pola súa banda que “o gran desembarco de altos cargos do PP, incluído o Presidente da Xunta, que estes días non sae da Mariña”, ratifican que “o Partido Popular tenlle medo aos veciños da provincia de Lugo porque Feijóo e Rajoy lle fixeron moito dano á xente: aos pensionistas, aos nenos e mozos; aos traballadores e aos enfermos”. Fronte a ese “medo do Partido Popular á xente, ás urnas, está ilusión do proxecto socialista”, engadiu Lara Méndez , “ilusión porque o 24 de maio os veciños de Cervo e todos os da provincia digan: ata aquí, xa non quero máis do mesmo”.
A Mariña, de esquecida a protagonista na Deputación
“Os socialistas somos unha alternativa clara, real e solvente na que os cervenses e todos os veciños da provincia poden confiar”. “Así o demostramos na Deputación. A Mariña pasou a ser protagonista da nosa acción política, mentres que para o PP estaba totalmente esquecida”, subliñou a Vicepresidenta, engadindo neste senso “que fomos quen de desbloquear a posta en marcha dos parque de bombeiros, residencias públicas da terceira idade, a primeira escola pública de horticultura ecolóxica de Galicia e impulsamos a promoción turística con todo tipo de iniciativas, ademais de garantir servizos sociais básicos, como a axuda no fogar ou a teleasistencia”.
A inoperancia do PP
O voceiro do PSdeG no Parlamento de Galicia puxo de manifesto “a inoperancia do Partido Popular ante os grandes problemas da Mariña, como o constante risco que pesa sobre a planta de Alcoa en San Cibrao pola falta dun marco eléctrico estable, a situación do sector do mar ou da fábrica de Sargadelos, un símbolo socioeconómico desta comarca”. José Luis Méndez Romeu tamén destacou “incumprimentos” do PP coa Mariña, como a constantemente retrasada Vía de Alta Capacidade da Costa.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
