En declaracións recentes a unha emisora de radio, o señor Lamela -candidato do PP á alcaldía do Valadouro- atribuíuse o feito de ter conseguido para o municipio unha infraestrutura de tanta importancia para a comarca como a pista de andadura destinada á práctica de deportes ecuestres.
Dende o BNG queremos puntualizar e describir a xestión desenvolvida para que O Valadouro sexa hoxe un referente no ámbito dos aficionados aos deportes ecuestres:
-O colectivo local APREVAL lanzou a idea, fomentou acertadamente o interese e iniciou os trámites para dotar o noso concello dunha pista de andadura para cabalos, na que desenvolver competicións e eventos vinculados aos deportes ecuestres, actividades con grande afición no Valadouro, onde mesmo contamos con xinetes premiados en probas de ámbito autonómico.
-APREVAL recibiu o apoio do BNG local, formación que xestionou ante a Deputación de Lugo unha aportación económica de aproximadamente 60.000 euros para facer realidade o proxecto.
-O Concello do Valadouro aportou aproximadamente 40.000 euros de fondos facilitados pola Xunta de Galiza.
Todo isto pode confirmalo o presidente do colectivo APREVAL.
Se o sr. Lamela ten que apropiarse dos méritos das outras formacións políticas, queda ben claro que non pode presumir dos propios, entre outras cousas porque carece deles.
A xestión municipal do sr. Lamela (afortunadamente breve) á fronte do Concello do Valadouro caracterizouse pola ausencia de iniciativas e polo incumprimento de acordos; lembremos que o BNG deulle unha marxe de confianza coa condición de que desbloquease o proxecto do polígono industrial, o único que fixo o sr. Lamela foi beneficiarse do acordo e incumprilo totalmente.
Con esta actuación tan pouca seria que vimos de describir, e máis coa apropiación do logro da pista de andadura, o sr. Lamela deixa ben claro cal é a súa estratexia para atraer votantes e apoios, prometer fume.
Grazas ao noso traballo e ás nosas iniciativas, nós, o BNG, cando nos diriximos aos cidadáns, explicamos feitos, e tamén proxectos para o futuro. Grazas ao noso traballo non temos que facer algo tan baixo como utilizar os méritos dos demais, chéganos con explicar os nosos logros e xestións para O Valadouro.
Por outra banda, queremos sinalar que discrepamos totalmente da maneira de proceder do actual goberno local con respecto á pista de andadura. Trátase dunha infraestutura que precisa un mantemento que non se está a dispensar por parte dos responsábeis municipais; é preciso retirar a maleza periodicamente e mantela en condicións de uso.
Dende o BNG observamos de xeito positivo que no futuro sexa o colectivo APREVAL quen xestione esta infraestrutura, xa que son os usuarios quen mellor saberán convertela nun atractivo local e sinalar os coidados precisos, pero somos coñecedores de que o goberno local trata de impoñer condicións inaceptábeis no convenio que ambas partes (Apreval e Concello) teñen barallado.
Unha das primeiras medidas que tomará o BNG ao chegar ao goberno municipal do Valadouro será negociar un convenio xusto e asumíbel con APREVAL, un convenio que lles resulte atractivo aos aficionados, e non un acordo con cláusulas inasumíbeis. Trátase de facilitar que os aficionados aos cabalos poidan gozar desta infraestrutura e dende o Concello debe facilitarse a utilización e funcionamento, nunca poñer obstáculos con formalismos burocráticos nin tela abandonada e chea de maleza.
Consideramos unha grave irresponsabilidade por parte dun alcalde que se di de esquerdas, ignorar na xestión de bens e recursos propios unha infraestrutura que supuxo un grande desembolso de diñeiro público, pois esa actitude está a evidenciar unha pésima xestión dun complexo deportivo construido cos cartos dos cidadáns.
A cidadanía do Valadouro é coñecedora dos logros e xestións de cada formación política, pero tamén é coñecedora dos deméritos e incumprimentos dalgún representante municipal. Aínda así, cando as falsedades se divulgan dende os medios de comunicación é preciso desenmascaralas, do mesmo xeito que os electores desenmascararán o día 24 aos candidatos que venden fume e méritos alleos.
O Valadouro, 21 de maio do 2015.
Eduardo Chao González
Concelleiro do BNG no Valadouro e candidato á alcaldía.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
