Ribadeo, 26 de maio de 2015.- Este sábado, 30 de maio, dan comezo en Ribadeo os fins de semana tecnolóxicos, que organiza Apaga (Asociación de Profesores de Automoción de Galicia). Durante 8 horas técnicos, alumnos e profesores de automoción recibirán formación sobre a reprogramación de centralitas. Trátase dunha nova actividade formativa para realizar durante varios sábados ao ano. A seguinte será o 4 de xullo. A inscrición para o segundo fin de semana tecnolóxico está aberta. Estas actividades desenvolveranse no hotel O Cabazo, de Ribadeo.
O presidente de Apaga, Álvaro Doural, explicou que “este proxecto nace polas peticións do sector empresarial da automoción e tamén do profesorado no ensino. É unha nova experiencia, un novo formato, no que os sábados durante 8 horas aproximadamente se pretende abordar temas moi específicos, moi de actualidade no automóbil. Ten tamén unha parte lúdica, pois inclúe un paquete de actividades que acompañan a esta parte formativa, cunha oferta hostaleira”.
A primeira xornada desta actividade vai ser este vindeiro sábado, día 30, e estará dedicada ás centrais electrónicas. “Neste momento xa está cerrado a inscrición, que é moi reducida, pois son 12 participantes como máximo”, dixo o ribadense Doural.
Está aberto xa o prazo de inscrición para outro curso igual, que terá lugar o día 4 de xullo e para o que neste momento aínda quedan prazas. Debido ao gran número de peticións recibidas Apaga organiza esta segunda xornada de actividades dedicada ao mesmo tema.
O presidente de Apaga indicou que “o que se pretende é ir facendo estas actividades cada mes ou cada 2 meses, dependendo da temática, da dispoñibilidade do poñente, porque moitas veces é difícil atopar á persoa axeitada para facer este tipo de actividades”.
Para setembro está previsto outro fin de semana tecnolóxico, posiblemente cun curso de manexo de osciloscopio, “e a continuación remataremos con un ou dous máis neste 2015 para despois empezar o 2016. O que se pretende é facer unha actividade de moita calidade, moi ben planificada, traer un bo poñente, unha persoa que realmente veña aportar moitas cousas, porque despois de estar o sábado durante 8 horas á xente que participe lle supoña un valor engadido”.
Álvaro Doural engadiu que “neste primeiro curso participará xente de Pontevedra, de Coruña, de Lugo e de Ribadeo. Esta iniciativa está aberta a alumnos de Formación Profesional, a traballadores de empresas do automóbil e a profesorado. A xente que queira informarse máis desta actividade no hotel O Cabazo, de Ribadeo, que é a sede destes cursos, hai unhas fichas nas que se poden deixar os datos e nós poñémonos en contacto cos interesados. Tamén a través da nosa páxina web: www.apaga.es pódese acceder á información sobre todas estas actividades que fagamos”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
