Bruxelas, 28 de maio de 2015.- Na maña deste xoves 17 bombeiras e bombeiros do Estado español -un deles da Galiza- Grecia e Portugal denunciaron a través da xornada “Europa en chamas”, -impulsada por Podemos, Syriza, Bloco de Esquerda e Esquerda Plural, onde AGEe está integrada- as graves eivas presentes nos servizos de extinción de incendios, nomeadamente no sur de Europa.
Esta xornada, organizada xusto ás portas do inicio da campaña de verano, foi realizada co obxectivo de elevar o nivel de conciencia das institucións europeas e da cidadanía sobre a gravidade dos incendios forestais na Unión Europea (UE) e abordar a necesidade de mellorar e fortalecer os mecanismos europeos de información, coordenación e resposta; especificamente a necesidade de garantir unha maior eficacia e pertinencia das medidas preventivas contra os incendios forestais.
A eurodeputada de Alternativa Galega de Esquerda en Europa (AGEe), Lídia Senra, que moderou a mesa adicada á análise da situación laboral dos bombeiros/as forestais, reivindicou posteriormente en rolda de prensa a necesidade do establecemento dun “operativo único, público e profesionalizado, con recoñecemento da categoría de bombeiro/a forestal para os traballadores/as e unha formación reglada e específica “, unha situación que, lamentabelmente, “na Galiza é totalmente a contraria, temos un sistema público-privado, con varias empresas ademais, mal coordenado entre si e que non presta suficiente atención á formación dos traballadores/as que se enfrontan a algo tan perigoso como é o lume forestal”.
A través da exposición das diferentes experiencias, constatouse que esta situación de tendencia á privatización do servizo e á precarización laboral das persoas que desempeñan as tarefas de prevención e extinción de incendios estase a dar tamén noutras zonas do Estado, Portugal e Grecia.
Alias, “a día de hoxe”, denunciou tamén a eurodeputada galega, “a imposición das medidas de austeridade por parte da Troika e a privatización dos servizos públicos abócanos a que haxa empresas que se estean a enriquecer a través dun servizo básico para a cidadanía como é o das emerxencias. O lume non pode ser un negocio”.
Ao fío da importancia fundamental da prevención en materia de incendios forestais, Senra reiterou que se ben as causas dos lumes “poden ser múltiples”, unha vez que o lume prende, “se o territorio está totalmente abandonado é practicamente imposible paralo. Dentro da prevención é fundamental promover e apoiar a instalación de labregos e labregas producindo alimentos, traballando a terra e coidando o monte.”
Nas intervencións houbo tamén espazo para adicar unha sentida lembranza aos bombeiros forestais falecidos durante a execución do seu traballo, a través da cal os traballadores/as presentes na xornada trasladaron toda a solidariedade do sector ás familias e seres queridos destas persoas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
