A Coruña, 31 de maio de 2015.- A Dirección Xeral de Tráfico (DXT) poñerá en marcha dende este luns, día 1 de xuño, unha campaña especial de control da taxa de alcoholemia e de consumo de drogas entre os condutores que se estenderá ata o próximo domingo.
Axentes da Agrupación de Tráfico da Garda Civil intensificarán, durante toda a semana, os controis de alcohol a condutores nas vías galegas. Igualmente, potenciarase a colaboración cos concellos para realizar controis en zonas urbanas, con especial incidencia nas zonas de ocio nocturno.
A Delegación do Goberno recorda que o alcohol é un factor concorrente ou determinante nun terzo dos accidentes de circulación con vítimas mortais. A súa presenza na condución multiplica entre 2 e 15 veces os riscos de sufrir un sinistro e constitúe un factor agravante das súas consecuencias.
No ano 2014, as análises toxicolóxicas realizadas a condutores falecidos en accidentes de tráfico revelaron que un 39,09% deles presentaban unha taxa de alcohol etílico en sangue superior a 0,3 gr/l, unha porcentaxe que ascendía ata o 39,88% no caso de peóns falecidos pola mesma causa. E é que o peón, como usuario máis débil da vía, necesita tamén estar en pleno uso das súas facultades físicas e mentais para non correr riscos. Menor percepción ou percepción equivocada do seu ámbito, perda de visión, maior asunción de riscos, son consecuencias que se derivan da inxestión de alcohol, aumentado a posibilidade de sufrir un atropelo.
Cambio de hábitos
A DXT detectou un cambio no comportamento dos cidadáns que supuxo un descenso significativo dos positivos detectados en controis de alcoholemia no último decenio. En España pasouse do 5,1% inicial ao 1,7% dez anos despois e o propósito da DGT é baixar do 1% os positivos nos controis preventivos, tal e como se fixou ao deseñar a Estratexia de Seguridade Vial para o decenio 2011-2020.
En todo caso, a Delegación do Goberno quere advertir de que esta evolución non significa que se eliminase o risco. O obxectivo, tanto desta nova campaña especial coma dos controis ordinarios, é proseguir nesta liña descendente. A única taxa segura, recórdase, é o 0,0%, pois aínda que nos creamos en pleno uso das nosas facultades físicas e mentais, coa inxestión de alcohol estamos a multiplicar o risco de sufrir un accidente. Mesmo con taxas de alcoholemia dentro das marxes legais permitidas, o nivel de risco de accidente de tráfico pode verse incrementado, polo que o óptimo é non ter consumido alcohol en absoluto se se vai conducir.
Á parte do alcohol, evidenciouse que a presenza de drogas no organismo afecta ás capacidades para unha condución segura, polo que o consumo de substancias psicoactivas será tamén obxecto de control nesta campaña especial. Dentro deste tipo de substancias, o cannabis e a cocaína seguen sendo as máis frecuentemente detectadas nos condutores sometidos a controis na rede viaria española.
Lei de Seguridade Vial
Tras a modificación da Lei de Seguridade Vial, cuxa entrada en vigor se produciu o pasado ano, a lexislación prohibe conducir con presenza de drogas no organismo, quedando excluídas as substancias que se utilicen baixo prescrición facultativa e cunha finalidade terapéutica. Esta infracción administrativa está castigada cunha sanción de 1.000 euros e a detracción de 6 puntos, mentres que a condución baixo a influencia de drogas prosegue pola vía penal (artigo 379.2 do Código penal).
En canto ao alcohol, a sanción mantense en 500 euros e a detracción de 4 a 6 puntos a infracción por conducir con taxas de alcohol superiores ás establecidas. Ademais, serán sancionados con 1.000 euros aqueles condutores que xa tivesen sido sancionados no ano inmediatamente anterior polo mesmo motivo, así como aqueles condutores que circulen cunha taxa que supere o dobre da permitida.
Outro precepto que entrou en vigor foi a obriga que teñen, non só os condutores, senón todos os usuarios da vía, de someterse ás probas de detección de alcohol e drogas cando estean implicados nun accidente de tráfico ou cometesen unha infracción.
Dende a entrada en vigor da Lei do Permiso por Puntos, arredor do 12% dos infractores sancionados e do 14% dos puntos detraídos tiveron a súa causa no feito de conducir cunha taxa de alcohol superior á establecida.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
