Os derradeiros 76 beneficiarios do Ben Empregado!, xunto con representantes das 47 empresas e asociacións sen ánimo de lucro da provincia coas que asinarán os seus contratos laborais de xeito inmediato, participaron este luns nunha nova xuntanza informativa no Salón de Actos do Pazo de San Marcos. Trátase dunha sesión formativa na que os técnicos provinciais lles detallaron cales son os seguintes pasos no desenvolvemento deste plan de emprego.
Estes 76 novos traballadores súmanse aos 162 que xa accederon aos seus postos de emprego e aos 10 cuxa contratación está a resolver o INEM. Son, polo tanto, un total de 248 lucenses desempregados lucenses os que acadaron un posto de traballo de calidade, postos que inclúen cláusulas sociais, en 219 entidades e asociacións sen ánimo de lucro da provincia. A través do Ben Empregado!, o 4º macroproxecto de fomento de emprego que a Deputación puxo en marcha nos últimos 4 anos, o organismo provincial subvenciona a contratación de ditos traballadores durante un ano con 4,4 millóns de euros.
En canto ás 47 empresas e entidades que contarán nos próximos días con estes novos 76 empregados, que comezarán a traballar por un período dun ano con contratos de calidade, estables e con vocación de continuidade, xa que para a selección final outorgouse máis puntuación canto maior era o compromiso de ditas empresas e colectivos para prolongar os contratos; atópanse, entre outras, asociacións sen ánimo de lucro, empresas construtoras, negocios de venda de produtos agrícolas ou clubs deportivos.
Segunda fase do Ben Empregado!
A Deputación continúa co desenvolvemento da segunda fase do Ben Empregado!, que dará emprego de calidade a outros 350 lucenses desempregados. Neste caso, o organismo provincial subvenciona a súa contratación con 6 millóns de euros. O voceiro informou que “neste momento, estamos a avaliar as solicitudes presentadas polas máis de 1.700 entidades e asociacións sen ánimo de lucro da provincia que queren participan neste plan e nas que traballarán os 350 lucenses desempregados que, posteriormente -é dicir, coñecidas as empresas e colectivos participantes, así como os perfís dos traballadores que buscan, e celebrados os procesos públicos de selección-, resulten beneficiados da segunda edición do Ben Empregado”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
