Aberto o prazo de inscrición do programa de matriculación para estudar en Lugo co que a Deputación de Lugo, en colaboración coa Universidade de Santiago de Compostela, busca aumentar alumnado no Campus lugués e atraer e premiar aos mellores expedientes.
Dentro deste plan inclúense, por unha banda, o programa de bolsas de matrícula, posto en marcha o ano pasado e dotado con 500.000, co que o organismo provincial asume o 50 % dos custes da matrícula das persoas que se matriculen por vez primeira nalgunha das titulacións do Campus de Lugo. Por outra, o programa O teu esforzo ten premio en Lugo, dotado con 130.000 euros e co que a Deputación sufraga a matrícula dos 90 mellores expedientes galegos de Bacharelato e Formación Profesional que se matriculen no Campus de Lugo, así como as dos 45 mellores graduados que cursen un máster na cidade lucense.
A Vicepresidenta Segunda en funcións, Lara Méndez, valorou que “ a Deputación ten un alto compromiso co Campus de Lugo, non como outras administracións que o único compromiso que teñen é verbal e que non se materializa nin con feitos nin con orzamento. Sen presuposto non pode haber campus”. Méndez destacou que “a Deputación teno claro, de aí o convenio de mais 500.000 euros asinado coa USC para combater as dificultades que atravesa o noso campus, dificultades que outras administracións, que son as que teñen as competencias, non solucionan”. Nesta liña a Vicepresidenta Segunda en funcións valorou que o organismo provincial asume estas competencias para impulsar o campus pois “beneficia ao desenvolvemento educativo, pero tamén oo económico da cidade e da provincia”.
Requisitos e documentación
Descontos do 50% da matricula:
So é necesario acceder á páxina web da USC, seleccionar a ligazón coa matricula e formalizar o proceso. No momento de pagar, xa se descontará de xeito automático o 50% do importe da matrícula. Pódese optar por estudar na rama de Enxeñaría e Arquitectura, de Humanidades, de Ciencias Sociais, de Ciencias e por suposto da rama de Ciencias da Saúde. Neste curso, a oferta de Lugo vese mellorada grazas á colaboración da Deputación de Lugo, que vai axudar asumindo o 50% do prezo da matrícula dos seguintes graos: Enxeñaría de Procesos Químicos Industriais; Enxeñaría Civil; Enxeñaría en Xeomática e Topografía; Enxeñaría Agrícola e Agroalimentaria; Enxeñaría Forestal e do Medio Natural; Lingua e Literatura Españolas; Ciencias da Cultura e Difusión Cultural; Relacións Laborais e Recursos Humanos; Xestión de Pequenas e Medianas Empresas e Administración e Dirección de Empresas.
O teu esforzo ten premio en Lugo:
Poderán optar a este premios:
– Alumnos galegos que teñen unha media no expediente académico igual ou superior a 8.
– Alumnos galegos que teñan cursado e superado as titulacións de Grao do Campus de Lugo nos cursos 2013-2014 e 2014-2015.
– Alumnos galegos que teñan superada a titulación nos anos previstos no correspondente plan de estudos.
Documentación a presentar:
– O impreso oficial de solicitude, debidamente asinado que aparece no Boletín Oficial da Provincia do sábado, 30 de maio.
– Documentación acreditativa dos méritos académicos e profesionais do alumno
A documentación necesaria pode presentarse persoalmente no rexistro da Deputación, en horario de 9 a 14 horas de luns a venres e de 10 a 14 horas os sábados; ou ben mediante envío por mensaxeiría; así como nos de outras dependencias administrativas recollidas no artigo 38.4 da Lei 30/1992, de 26 de novembro.
O prazo de inscrición para desfrutar deste novidoso plan está aberto ata a vindeiro 30 de xullo. Máis información na páxina web www.deputacionlugo.gal e nos teléfonos da Universidade: 881 812 000, 982 820 532 ou 881 811 000.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
