A MARIÑA, 2 DE XUÑO DE 2015.- Os socialistas da Mariña solicitan ao Goberno galego que dea marcha atrás no obxectivo de volver a pechar durante a época estival alomenos unha trintena de camas no Hospital da Costa, pois “non podemos esquecer que é no verán cando a poboación se triplica na zona e, por tanto, este servizo aínda é máis necesario se cabe”, afirma a coordinadora comarcal Mayra García.
Neste senso, a socialista fai un chamamento “á coherencia”, xa que, do contrario, “non só estariamos diante dun novo paso da Xunta de desmantelar o noso Hospital, senón que se contribuiría a aumentar notablemente as listaxes de espera”.
“Peche tristemente histórico”
Por este motivo, “e dado que temos novo xerente, esiximos que non se peche ningunha cama máis, xa que, tal e como se produciu o pasado ano, a calidade asistencial volverá a ser claramente deficitaria”.
“En 2014 este peche de camas foi tristemente histórico”, destaca a coordinadora comarcal. Proba delo é que, “a pesares do paulatino desmantelamento do servizo producido durante os anos de mandato do Partido Popular”, no pasado exercicio desactiváronse nos centros sanitarios galegos o dobre de camas que en 2010, pasando de 588 hai 4 anos a 1.200 en 2014.
“Semella claro que a estrutura sociosanitaria de Galicia non puido cambiar tanto neste tempo como para dobrar o número de peches no período estival, obtendo o mesmo grao de eficacia”, indica con ironía García. No caso concreto da Costa, as camas inhabilitadas foron 30; número aos que hai que engadir máis de 90 do HULA e 28 do Hospital de Monforte.
Pola súa banda, o deputado provincial en funcións e alcalde electo de Burela –Alfredo Llano- subliña que “este peche desmesurado agocha, baixo unha decisión aparentemente administrativa, unha volta de rosca máis dos Gobernos da dereita cara ao deterioro do noso Hospital. Dende que conflúe o PP na Xunta e no Goberno Central, a Mariña só perdeu. Resulta evidente, por tanto, que non se consegue satisfacer a demanda dos usuarios do SERGAS debido a este inxustificado peche, e que os únicos beneficiarios deste sistema son as entidades concertadas que, un ano máis, verán incrementado o seu volume de negocio. É dicir, abandonamos o público para defender o privado”, critica.
Tampouco se contrata persoal
“Esta perversión súmase tamén, engade García, á errática política encuberta levada a cabo dende o PP de non contratar persoal para suplir o aumento de permisos vacacionais dos profesionais sanitarios”. Así, ademais de infrautilizar un servizo básico para a cidadanía como é a o acceso á Sanidade, a Xunta renuncia á creación de emprego; unha situación “que non nos favorece en absoluto, pois, segundo o INE, a comunidade galega xa ten unha taxa de facultativos por debaixo da media nacional e, no caso de enfermaría, somo a terceira pola cola”, conclúen os socialistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
