A Deputada de Deseño e Artesanía en funcións, Regina Polín, presentou este xoves a nova programación de actividades organizada para este verán polo Centro de Artesanía e Deseño, dependente da Deputación, para os máis cativos da casa. Serán 120 prazas totalmente gratuítas en obradoiros de contos reciclados, manualidades de verán, artesanía e ciencia, coiro, cestaría creativa e de reciclaxe, fotografía e scrapbooking, para nenos de 5 a 14 anos, que se desenvolverán en tres quendas diferentes, do 1 ao 15 de xullo, do 16 ao 31 de xullo e do 17 ao 31 de agosto, nas instalacións do CENTRAD e no obradoiro de cestaría do río Rato.
No acto, no que tamén estiveron presentes varios docentes destes cursos, Polín fixo fincapé no “éxito rotundo destes obradoiros” ao tempo que lembraba que na pasada convocatoria de Semana Santa cubríronse as prazas o mesmo día que se abriu o prazo de inscrición. “Isto demostra o interese que espertan estas actividades lúdicas-educativas nas familias luguesas”, destacou.
A Deputada en funcións sinalou a “gran oportunidade que supoñen os talleres para que os máis cativos da casa coñezan a tradición artesanal tradicional da provincia cunhas actividades moi diferentes das habituais, ao tempo que se relacionan con outros mozos da provincia das súas idades”.
O organismo provincial puxo en marcha estes obradoiros para que os nenos empreguen as súas épocas estivais con actividades de lecer diferente e cuns horarios que faciliten que nais e pais poidan conciliar a familia e o traballo. “Coa organización destes obradoiros para conciliar a vida laboral e a familiar damos resposta tamén ás peticións dos veciños nos Orzamentos Participativos”, avanzou Polín.
120 cativos e 7 obradoiros
Para este verán o CENTRAD ten preparados 7 obradoiros gratuítos. Os nenos de entre 5 e 7 anos realizarán na primeira e na terceira quenda talleres de contos reciclados e manualidades de verán “crear e reciclar”. Os de 8 a 10 anos terán a oportunidade de practicar co coiro e de experimentar coa ciencia, tamén na primeira e na terceira quenda, e os mozos de 11 a 14 anos iniciaranse na fotografía e na cestaría creativa de reciclaxe nestas mesmas quendas.
Na segunda quenda os cativos dividiranse, tamén por idades, pero de diferente modo. Nenos de 5 a 9 anos realizarán contos reciclados e manualidades e mozos de 10 a 14 practicarán as técnicas do scrapbooking e fabricarán obxectos de coiro.
A programación ten en conta as idades e as capacidades dos nenos participantes, se ben haberá dous monitores de apoio, ademais do propio persoal do CENTRAD, para que os nenos con necesidades especiais aproveiten ao máximo estes obradoiros.
Trátase pois, dunha oferta de 120 prazas totalmente gratuítas, 45 na primeira e na terceira quenda, e 30 na segunda, e das que un 15% están reservadas para nenos con necesidades especiais. O horario será o mesmo para todos os cursos, de 09.00 a 14.00 horas, cun descanso de 11.00 a 11.30 horas, durante o que poderán repoñer forzas cun almorzo que traian da casa os que así o desexen. De 13.15 a 14.00 horas os participantes visitarán os diferentes obradoiros e exposicións do centro.
Inscricións
Para inscribirse nos Obradoiros Artesanais Infantís de Verán deberase presentar o formulario de inscrición debidamente cumprimentado. O prazo será a partir de mañá ata o 19 de xuño, ambos inclusive, e o formulario poderase descargar na web www.deputacionlugo.gal a partir deste venres. Este deberase entregar no Rexistro Xeral da Deputación, no Pazo de San Marcos, de luns a sábado, en horario de 09.00 a 14.00 horas. As inscricións realizaranse seguindo a rigorosa orde de solicitude, tendo preferencia os nenos dos solicitantes que acheguen un certificado de empresa acreditando que os pais traballan nos días de celebración dos obradoiros.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
