LUGO, 5 DE XUÑO DE 2015.- A executiva provincial, con motivo da celebración do Día Mundial do Medio Ambiente, insiste na necesidades de reafirmar o compromiso de cada persoa cos valores e coas accións que deben de inspirar a conservación e a mellora do contorno. Neste senso, o secretario desta área –Eduardo Vidal Baamonde-, fai un chamamento a que cada persoa se transforme “nun axente activo do desenvolvemento sostible, mediante a sinatura dun convenio persoal coa planificación dos patróns de vida pola seguridade ambiental e, así, limitar as accións que supoñen un incremento de factores que favorecen o quentamento global”.
“É indubidable que a política chega tarde para evitar isto, pero ten o deber de facer o que estea na súa man para reducir o alcance das súas consecuencias e para prepararnos para vivir nunhas condicións distintas no lugar no que vivimos”, afirma. A este respecto, Vidal Baamonde considera “inaprazable tecer un grande acordo de país sobre a auga, pois as consecuencias da súa mala xestión, evidencian as debilidades e as ineficacias que se prevían hai tempo. O acceso á auga é xa un dereito humano e, como tal, cómpre blindar a súa cualidade de ben público”, destaca.
“Vivimos nunha provincia con privilexios que derivan da terra e do mar, na que se complementan case sen solución de continuidade a Mariña, a Terra Chá e a Montaña, na que é imprescindible garantir razoablemente a seguridade alimentaria e apostar por unha folla de ruta sostible no referente ao uso da enerxía e das políticas aplicables ao sector primario, pois só así superaremos as crecentes incertidumes que se pechan sobre os sectores relacionados co mar, coa agricultura, coa gandería ou co forestal. A súa dependencia da biodiversidade é o factor clave que debe de garantir a súa sostibilidade”, subraia. Por iso, conclúe, “con accións comúns e simultáneas, temos o deber de facilitar as condicións favorables de vida para o desenvolvemento do benestar dos nosos fillos e netos. Urxe, por tanto, explicar todos os mecanismos de cooperación entre os territorios para facer fronte a un risco que medra cada día”, remarca.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
