Senra, cualifica de “escándalo” e “auténtica burla aos milleiros de cidadáns e cidadás que tiñan postas as súas expectativas no debate” a paralización do debate do informe de recomendacións do Parlamento Europeo á Comisión Europea relativas ás negociacións da Asociación Transatlántica de Comercio e Inversión (ATCI) -máis coñecido como o TTIP, Transatlantic Trade and Investment Partnership-, elaborado pola Comisión de Comercio Internacional do Parlamento Europeo (COM INTRA), e previsto inicialmente para este mércores ás 08.00 horas.
Unhas horas máis tarde da suspensión este martes da votación que ía ter lugar esta mañá, as eurodeputadas/os recibiron unha comunicación do Presidente do Parlamento Europeo, Martin Schulz, na que informaba que en base ao Artigo 152 do Regulamento decidira someter a votación a paralización definitiva do debate. Dita suspensión decidiuse a primeira hora deste mércores logo dun axustadisimo resultado de 183 votos a favor e 181 en contra.
Para a eurodeputada de AGEe, esta suspensión “responde a que non queren que se manifeste o descontento cada vez maior que hai co TTIP; a medida que a cidadanía vai sendo consciente do que se xoga, aumenta a presión”. Un intento á desesperada de “seguir negociando agochados como estiveron facendo ata agora”, procurando “que non se reflicta no Parlamento Europeo o que se está a dicir na rúa”.
De feito, se ben posibelmente a alianza conservadora e socialdemócrata tería conseguido a aprobación do informe de recomendacións, “o problema era a enmenda 27, que plantexa a anulación do tribunal de arbitraxe entre multinacionais e gobernos” -ISDS polas súas siglas en inglés-, “aí é onde había controversia, xa que supoñía anular estes pseudotribunais privados que pasarían mesmo por riba das leis que se deciden nos parlamentos”.
“O Partido Socialista europeo está moi dividido precisamente pola conciencia do que hai en xogo, pero o núcleo duro dos socialistas e conservadores estaban a favor do ISDS”, afirmou Senra, “o ISDS é a entrega da soberanía dos pobos ás corporacións transnacionais, e aí hai comprices”.
“Esta paralización foi un ataque á democracia”, concluíu a eurodeputada galega. “Desperdiciouse unha excelente oportunidade para que o Parlamento puidera dar a súa opinión e non o quixeron permitir para seguir negociando de costas á xente”.
Para AGEe, a situación vivida hoxe demostra unha vez máis que “o éxito para parar o TTIP vai acontecer na medida en que se coñeza que é, nesa medida seremos capaces de paralo”, e aí hai que poñer en valor “a campaña tan impresionante que se está a facer dende os movementos cidadáns para sacar o TTIP á luz”.
Lídia Senra participou tamén está mañá nas mobilizacións convocadas por organizacións sociais contra o TTIP en Estrasburgo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
