Ribadeo, 10 de xuño de 2015. En Ribadeo celebrarase os días 12 e 13 de xuño o I Torneo de Basket Base que organiza o CB Ría de Ribadeo coa colaboración do Concello. Dez equipos galegos acudirán a esta cita, segundo deron a coñecer esta mañá José Antonio Sama Díez, director deportivo do club organizador e o concelleiro de Deportes en funcións, Vicente Castro.
O edil nacionalista explicou que “este torneo é unha novidade en Ribadeo, xa que é o primeiro de basket base que se celebra na nosa vila, pero forma parte desta xeira de torneos que se disputan en Ribadeo ao remate do curso das escolas deportivas ou das tempadas de competición. Estes torneos encádranse no chamado turismo deportivo, que atraen a Ribadeo a moita xente de Galicia, doutros puntos de España e de Portugal. Isto permite que os nosos rapaces e rapazas se relacionen deportivamente con clubs cos que non compiten durante todo o ano e permítenos atraer a moita xente a Ribadeo, o que supón un reforzo económico para esta tempada baixa-media, previa ao verán”.
Vicente Castro fixo que “o torneo está organizado polo CB Ría de Ribadeo en colaboración co Concello, coa Área de Deportes da Deputación, coa Secretaría Xeral para o Deporte da Xunta e conta tamén co apoio do grupo Eroski. Con este torneo poñemos a Ribadeo no mapa e á cabeceira da Mariña na organización deste tipo de eventos. Isto segue na liña que nos marcamos desde o goberno municipal desde hai anos, que é o respaldo ao deporte base”.
Pola súa banda José Antonio Sama Díez contou que “levamos xa dous anos traballando na promoción do baloncesto neste concello e cada ano queremos dar un pasiño máis para afianzalo. A principios de tempada marcámonos coma obxectivo sacar un torneo de categorías base, as primeiras edicións sempre son moi difíciles de levar adiante porque aínda a xente non coñece o torneo, as datas foron as que quedaban libres e igual non foron as máis axeitadas, pero ao final logramos sacalo adiante. O obxectivo non é só facer unha edición, senón que sexa a primeira de moitas e ao final estamos moi satisfeitos de poñelo en marcha”.
Sama dixo que “durante estes dous días, sobre todo o 13 de xuño, teremos 10 equipos competindo na nosa vila procedentes de varios clubs da xeografía galega. A parte do equipo local contaremos con equipos do CB Lasalle, de Santiago, do Basket Coruña, do Porta XI Ensino, de Lugo, e tamén do Baloncesto Cambre”.
O director deportivo do CB Ría de Ribadeo engadiu que “os nosos equipos o están a facer moi ben, están a conseguir campionatos provinciais, xogando fases de ascenso galegas e tamén estamos a ser invitados a torneos en moitos lugares. Isto non deixa de ser un paso máis para seguir afianzando pouco a pouco o baloncesto na vila. Por último, agradecerlle ao Concello de Ribadeo a súa colaboración con este torneo e a todas as institucións que colaboran e ao Eroski, que nos axuda aportando o material para o torneo, que sempre é benvido”.
No acto de presentación tamén participou Iván López, o técnico de Deportes do Concello de Ribadeo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
