Foz, 15 de xuño de 2015.- Ao longo do presente curso 2014-2015 estivéronse a celebrar os actos conmemorativos correspondentes ao 75 Aniversario do Colexio Martínez Otero de Foz.
Dende o comezo do presente curso, alá polo mes de setembro de 2014, o colexio respiraba festividade en todas as súas actividades, pero foi a finais do mes de novembro cando se deu oficialmente o pistoletazo de saída a todos os actos de celebración do evento co descubrimento dunha placa na fachada principal do colexio. Un acto ao cal asistiron importantes personalidades da vida civil e relixiosa da bisbarra.
A este acto fóronselle sumando ao longo do curso distintas celebracións conmemorativas do evento, abranguendo todo tipo de actividades, dende as deportivas como unha carreira popular ou un torneo aberto de Xadrez; culturais como a actuación da rondalla Latexos, as xornadas de teatro, a publicación en vinderias datas do libro titulado “Historia do Colexio Martínez Otero” escrito polos antigos alumnos D. Antón Niñe, D. Ramón Eiras e Dna. Alejandra Eiras ou a charla con políticos locais que foron alumnos do colexio; ata as asociativas como o deseño dunha camiseta conmemorativa do 75 aniversario ou a celebración dunha comida de irmandade entre exalumnos.
Os actos de celebración deste 75 aniversario rematarán este curso o próximo día 27 de xuño de 2015 cunha gran COMIDA DE CONFRATERNIDADE.
O porgrama previsto para esta matinal do sábado arrancará ás once da maña cunha “pachanga” no patio do colexio na que se enfrontarán os exalumnos do século XX contra os exalumnos do século XXI.
A continuación, ás doce e dez da mañá celebrarase unha Eucaristía no salón de actos do colexio oficiada por D. Antonio Rodríguez Basanta, exalumno do colexio, presidente do Padroado da Fundación Martínez Otero e na actualidade Administrador Diocesano de Mondoñedo – Ferrol.
E como peche a esta mañá de celebracións, ás duas e cuarto da tarde terá lugar a Comida de Confraternidade servida no pavillón do colexio Martínez Otero. O menú a degustar estará composto por polbo á feira, tenreira asada con gornición e torta de queixo, todo iso regado con bo viño albariño e tinto colleiteiro. A sobremesa irá acompañada de café e chupitos.
O prezo desta comida de confraternidade é de 20 euros persoa. As tarxetas pódense retirar ata o día 20 de xuño na Administración do colexio de 10:00 a 13:00 e de 16:30 a 20:00 horas.
Dende o Comité organizador do evento animan a todas as persoas que ao longo de todos estes anos, formaron parte desta enorme comunidade educativa, a participar nesta gran xornada do día 27. Unha xornada de confraternidade onde estará máis presente que nunca o lema da celebración: “75 ANOS CAMIÑANDO XUNTOS”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
