Santiago, 17 de xuño de 2015.- A Xunta ven defendendo de maneira inequívoca a postura maioritaria do sector de arrastre de fondo galego con respecto a non permitir a faena na fin de semana dos barcos de bandeira portuguesa que pescan nas nosas augas, de tal xeito que se estableza un marco de igualdade entre as flotas portuguesa e galega. Así o asegurou este mércores pola mañá no Parlamento o secretario xeral do Mar, Juan Maneiro, en resposta a unha pregunta sobre esta cuestión.
Juan Maneiro explicou ademais que nas negociacións do novo acordo pesqueiro entre España e Portugal tanto o sector do arrastre litoral galego coma o propio Goberno galego e o Parlamento de Galicia instan e demandan do goberno de España que se garanta a igualdade entre as flotas de arrastre de fondo de ambos países que faenan nas aguas fronte a Galicia mediante a prohibición da actividade pesqueira dos buques de arrastre de bandeira portuguesa que pescan nas augas xurisdicionais españolas da zona IX durante a fin de semana.
O secretario xeral do Mar engadiu que de cara ao futuro a Xunta está a espera dunha nova convocatoria do Comité de Seguimento do acordo, que aínda non ten data, pero na que –advertiu– “seguiremos a manter a postura establecida dunha maneira inamovible”.
Juan Maneiro sinalou que a problemática no desenvolvemento deste acordo para a flota de arrastre de fondo está na posibilidade que teñen os barcos de bandeira portuguesa para traballar a fin de semana, mentres que a flota galega debe permanecer amarrada en cumprimento do descanso da fin de semana. Esta situación lles permite acceder aos mercados con vantaxe, ao poder colocar a súa pesca ao inicio da semana, cando os buques galegos están a iniciar as súas labores de faena. Isto, na opinión do sector galego de arrastre de fondo, da Administración galega e do Parlamento de Galicia, constitúe unha competencia desleal a que debe darse algunha solución satisfactoria para a nosa flota, segundo indicou o secretario xeral.
Por tal motivo, no seo da Comisión Sectorial de Arrastre Litoral do Consello Galego de Pesca acordouse que a proposta conxunta do sector galego e da Xunta sexa solicitar a introdución no acordo bilateral dun punto coa seguinte redacción: “Queda prohibida a pesca con artes de arrastre as fins de semana para os buques de arrastre que faenan en virtude deste convenio nas augas xurisdicionais españolas”. Esta proposta tamén tivo o respaldo do Parlamento de Galicia mediante a aprobación dunha proposición non de lei.
Parasito Marteilia
Pola súa parte, a directora xeral de Desenvolvemento Pesqueiro, Susana Rodríguez, explicou, en resposta a unha pregunta sobre esta cuestión, que a Xunta destinará 72.000 euros a un convenio de colaboración centrado en mitigar os efectos do parasito Marteilia no berberecho. Formalizarase entre a Consellería do Medio Rural e do Mar e o Consejo Superior de Investigaciones Científicas (CSIC), por medio do Instituto de Investigacións Mariñas de Vigo. Este convenio ten como obxecto a realización dunha acción de investigación sobre o parasito Marteilia e a súa afección no berberecho común.
Con esta iniciativa búscase adquirir coñecementos sobre a enfermidade causada por este parasito nas poboacións de bivalvos en Galicia, para facilitar a toma de decisións na xestión do recurso e, se é o caso, desenvolver estratexias de loita que conduzan á minoración dos efectos causados por esta enfermidade. O estudo incluirá aspectos epidemiolóxicos e ambientais e o coñecemento do ciclo de vida da Marteilia.
A directora xeral explicou que entre as accións específicas que se van desenvolver ao abeiro deste convenio destaca un programa de vixilancia da enfermidade en poboacións de berberecho non afectadas, co fin de coñecer en todo momento o estatus sanitario das poboacións. Tamén se estudará a dinámica temporal da enfermidade, avaliarase a influencia de variables ambientais no seu desenvolvemento e a transmisión da enfermidade entre berberechos, entre outras cuestións.
En virtude deste texto traballarase na identificación e análise poboacional de potenciais hospedadores intermediarios (organismos que albergan o parasito) no ciclo biolóxico da Marteilia e da dinámica da súa infección.
Este acordo estará vixente ata o 31 de decembro de 2016. No caso de ser preciso poderase prorrogar por períodos de 6 meses ou ata que se rematen os traballos obxecto do acordo, sen que supoña un incremento do gasto
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
