Lugo, 19 de xuño de 2015. A Xunta de Goberno da Deputación, a última ordinaria deste mandato, aprobou este venres axudas por importe de 340.000 euros destinadas a catro clubs deportivos que apostan polo deporte feminino nas súas disciplinas. En concreto, trátase do Club Emevé de voleibol, que recibirá 77.000 euros; o Club Porta XI Ensino de baloncesto, que recibirá 78.520 euros; o Burela Fútbol Sala, que levará 153.692 euros; e o Club Peluquería Mixta de Friol de fútbol feminino, que recibirá 31.000 euros.
O vicepresidente da Deputación e responsable da área de Deportes, o nacionalista Antonio Veiga destacou que se trata de “catro clubes que se atopan na elite dos seus deportes, disputando competicións a nivel estatal na primeira ou segunda categorías e que dan visibilidade ao deporte feminino na provincia de Lugo”. Veiga felicitou a estes clubs polo seu traballo “intenso e arriscado a prol do deporte feminino desde as categorías inferiores” e animounos a seguir nesa liña porque “os equipos femininos están a lograr grandes éxitos para o deporte lucense, comparables ou mesmo superiores en moitos casos aos logrados polos equipos masculinos”.
“E é ese traballo e perseveranza o que leva aos equipos a estar no máis alto, como é o caso do Emevé, o Ensino, o Burela Fútbol Sala ou o Peluquería Mixta de Friol, polo que cada vez está máis claro que o éxito a nivel deportivo está naqueles clubs nos que priman as categorías inferiores, nas que se van formando grandes deportistas”, concluíu Veiga. “Sabemos que foi unha aposta difícil e arriscada no seu día, pero desde logo que contan co noso máximo apoio, tanto desde a área de Deporte como desde a de Igualdade. Cremos que é un exemplo a imitar e os froitos estanse vendo ao longo dos anos con moitas nenas participando xa dende moi nenas no deporte, que é do que se trata”, destacou.
Recibirán un anticipo do 60%
As axudas concedidas correspóndense coas relativas á convocatoria do ano 2015 de Concorrencia non competitiva para clubs e entidades deportivas da provincia de Lugo, destinados a gastos de temporada do ano 2015 derivados da súa participación en ligas ou campionatos oficiais federados por equipos de 1ª ou 2ª categoría absoluta estatal. Sen embargo, os clubs recibirán xa agora un anticipo do 60% da subvención, sen agardar á finalización da tempada que comeza en setembro, para que poidan dispoñer dos fondos necesarios para planificar e afrontar a vindeira tempada deportiva 2015-2016.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
