Bruxelas, 19 Xuño 2015. O vindeiro martes 23 de xuño a eurodeputada de Alternativa Galega de Esquerda en Europa (AGEe), Lídia Senra, accederá á sala de lectura onde se atopan depositados os documentos confidenciais do TTIP (Transatlantic Trade and Investment Partnership) no Parlamento Europeo (PE), a “reading room”.
Como todas as eurodeputadas/os, Senra poderá acceder á sala durante un máximo de dúas horas, neste caso de 10.30 a 12.30hrs., e sempre acompañada por persoal do PE. Previamente tivo que pedir cita e concretar os documentos exactos que quere revisar. Non poderá levar teléfono nin bolígrafo, nin tan sequera papeis en branco, xa que o material necesario para tomar notas proporcionaranllo dentro e será revisado antes de saír -os folios nos que poderá escribir irán identificados co seu nome-. Unha vez dentro, terá que asinar varios compromisos de confidencialidade.
Diante da solicitude de consulta desta documentación, o propio Parlamento remitiu á deputada de AGEe un “briefing de seguridade” de 15 páxinas de extensión, condicionando a súa consulta na reading room a que confirme a recepción, lectura e asunción destas indicacións, remitíndolle esta confirmación á Unidade de Información Clasificada.
Chama especialmente a atención o feito de que este documento aluda a que o tratamento da Información Clasificada da UE (ICUE) ríxese pola Decisión da Mesa do Parlamento Europeo do 15 de abril de 2013, relativa á Regulamentación sobre o tratamento da información confidencial polo Parlamento Europeo, que entrou en vigor o 1 de abril de 2014, unhas datas que se corresponden co proceso de negociación do TTIP e o TISA (Trade in Services Agreement), iniciados a principios do 2013 e con perspectiva de continuar alomenos até 2016.
A deputada galega reiterou que o procedemento para a lectura dos documentos do TTIP “é un dos máis claros exemplos de que as institucións europeas están moi lonxe de manterse ao servizo da cidadanía”. “Este proceder é totalmente antidemocrático”, proseguiu, “en primeiro lugar porque fai alarde da ocultación de información á sociedade europea e, en segundo termo, porque evitando que as deputadas podamos valorar e dar a coñecer esta información están bloqueando a nosa responsabilidade con respecto á sociedade á que representamos”.
Cómpre lembrar que a habilitación desta sala xurdiu como un xeito de tentar aplacar as críticas e presións das organizacións sociais e partidos ao respecto do segredismo nas negociacións.
AGEe ten rexistrado ao longo desta lexislatura varias preguntas parlamentarias relativas aos tratados de libre comercio que está a negociar a Unión Europea: Protecção das indicações geográficas no TTIP (Setembro 2014), Impacto do TTIP na agricultura (Setembro 2014), Cessões em agricultura no CETA (Outubro 2014), CETA e protección de indicacións xeográficas (Novembro 2014), Segurança alimentar nas negociações do TTIP (Marzo 2015), CETA e Edgewater na Galiza (Outubro 2014). Asemade, xunto con outras deputadas da Esquerda Plural, presentamos o pasado día 10 de xuño unha batería de preguntas contra o TISA.
Senra, xunto con deputadas/os do Grupo Confederal da Esquerda Unitaria Europea/Esquerda Verde Nórdica (GUE/NGL) -onde AGEe está integrada-, participou tamén na acción de denuncia realizada en outubro do ano pasado diante da sala de lectura dos documentos do TTIP e ten feito varias intervencións en sesión plenaria e na Comisión de Agricultura -onde é titular para o GUE/NGL- chamando a atención sobre as graves consecuencias que os tratados de libre comercio teñen para a cidadanía.
O pasado día 10 de xuño, durante a controvertida Sesión Plenaria en Estrasburgo onde foi suspendido o debate e votación do informe de recomendacións do Parlamento Europeo á Comisión Europea relativas ás negociacións do TTIP a eurodeputada galega presentou en rolda de prensa, xunto con outras/os eurodeputadas/os da esquerda estatal, o manifesto “Unha marea contra o TTIP”. Posteriormente participou na acción de denuncia convocada por organizacións sociais ás portas do Parlamento.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
