Lugo, 3 de xullo de 2015.-A Deputación de Lugo incrementará nun 70% os fondos provinciais para o Servizo de Axuda no Fogar, ao aumentar a partida prevista para 2015 dende os 700.000 euros contemplados polo bipartito ata os 1,2 millóns de euros.
Isto suporá que se duplicaráo financiamento para o Servizo de Axuda no Fogar con respecto ao que destinaba o goberno anterior a comezos do último mandato. Así, dos 600.000 euros orzamentados polo anterior executivo para 2012, o novo goberno provincial achegará 1,2 millóns de euros.
Para a presidenta da Deputación de Lugo, Elena Candia, “este acto de xustiza cos veciños e veciñas de toda a provincia” beneficiará, por unha banda, aos usuarios e, pola outra, aos Concellos. Deste xeito, as persoas que reciben o servizo poderán ver reducida a súa achega económica ao ser a Deputación Provincial quen asuma en maior medida a contía.
Paralelamente, os 66 municipios poderán ter máis fondos propios liberados ao recibir máis recursos públicos provinciais para o financiamento do Servizo de Axuda no Fogar.
“Con esta decisión o que conseguimos son catro melloras: o incremento no número de usuarios do SAF, a rebaixa da contía que aportan para o financiamento do servizo, a redución das listas de espera e a mellora doutros servizos sociais fundamentais que se presten nos municipios”, explicou CandiaAdemais, esta decisión do novo goberno provincial provocará que a Deputación de Lugo estea en condicións de asumircase o 70% da contía solicitada polos Concellos para este servizo, fronte ao 23% que financiaba o organismo a inicios do anterior mandato.
Medida moi demandada
Por outra banda, Candia detallou que se trata “dunha medida longamente demandada polos Concellos da provincia” e á que agora atenderá o novo goberno, no marco da “nova maneira de facer política” que emprendeu a Deputación de Lugo con outras decisións como a subasta do vehículo oficial do anterior presidente.
Así mesmo, indicou que “estamos diante dunha das cuestións nas que máis insistimos no anterior mandato dende a oposición e, polo tanto, agora dende o goberno é un acto de coherencia e responsabilidade o adoptar esta decisión”.
Cumprimento da sentenza de xaneiro de 2015
Ao mesmo tempo, a presidenta da Deputación de Lugo lembrou que o TSXG desestimara na súa integridade o recurso interposto polo anterior goberno provincial contra o Decreto de Servizos Sociais 99/2012 ao considerar na súa sentenza de 21 de xaneiro de 2015 que o devandito documento legal “está axustado a dereito”.
Nese senso, Candia amosouse “satisfeita” de poder cumprir coa medida anunciada hoxe o Decreto de servizos sociais, que “é moi claro” no seu artigo 31 sobre a competencia das administracións provinciais, ao sinalar que “as Deputacións Provinciais apoiarán prioritariamente o financiamento do SAF básico aos Concellos de menos de 20.000 habitantes”.
Así mesmo, a presidenta da Deputación destacou que esta mesma sentenza indica que “existe unha obriga por parte da Deputación, que é xuridicamente esixible perante os tribunais para financiar de forma significativa e preponderante o SAF básico dos Concellos de menos de 20.000 habitantes”, polo que se comprometeu a analizar a viabilidade de asumir e saldar “nos vindeiros exercicios” as débedas contraídas pola Deputación Provincial nos anos anteriores “ao ter desatendido as súas obrigas con usuarios e Concellos” en relación ao SAF básico.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
