Lugo, 7 de xullo de 2015.- O subdelegado do Goberno en Lugo, Ramón Carballo, e o alcalde de Ribadeo, Fernando Suárez, copresidiron este martes a reunión da xunta local de seguridade, na que analizaron os datos da delincuencia no municipio no que vai de ano, da que se desprende un lixeiro descenso das infraccións penais, mantendo a tendencia iniciada a finais de 2013.
Se ben, na reunión recoñeceuse un lixeiro aumento dos delitos contra o patrimonio, marcado principalmente polos roubos en vivendas que se rexistraron durante os meses de abril e maio, sobre todo en vivendas unifamiliares de zonas illadas ou segundas residencias, onde os delincuentes teñen máis facilidades para actuar sen seren sorprendidos.
O subdelegado dixo ser consciente da preocupación cidadá e asegurou que as Forzas e Corpos de Seguridade do Estado intensificaron a vixianza. Ademais, animou aos veciños a tomar medidas de autoprotección para evitar roubos en vivendas que quedan baleiras, como dar a sensación de que a vivenda está habitada, pechar portas e fiestras, non comentar os plans de viaxes con descoñecidos ou nas redes sociais e evitar gardar obxectos de valor no caso das segundas residencias.
Os membros da xunta local de seguridade destacaron o traballo “eficiente e minucioso” dos corpos policiais para tratar de “seguir rebaixando o volume de delincuencia” no municipio e valoraron o elevado grao de eficacia acadado no esclarecemento dos feitos delictivos que se chegan a producir. No que vai de ano, a Garda Civil detivo a 15 persoas en Ribadeo pola súa implicación neste tipo de feitos.
EVENTOS FESTIVOS
No transcurso da xuntanza desta mañá acordouse tamén reforzar a vixianza por parte dos distintos corpos policiais durante estes meses de verán, nos que a localidade mariñana ve multiplicada a súa poboación, especialmente no transcurso das celebracións máis destacadas, como o Ribadeo Indiano ou as festas patronais.
Así, e aínda que o Concello se encarga de deseñar os respectivos dispositivos de seguridade atendendo á súa competencia, adiantouse que os efectivos de Policía Local reforzarán a súa labor e contarán coa colaboración da Garda Civil para velar polo mantemento da orde pública e previr a comisión de posibles feitos delictivos.
PLANS PARA MAIORES E ESCOLARES
O subdelegado do Goberno informou tamén do traballo realizado polas Forzas e Corpos de Seguridade do Estado para favorecer a seguridade dalgúns dos colectivos máis vulnerables, como as persoas maiores ou os escolares. Neste sentido, Ramón Carballo referiuse ás charlas impartidas no marco do Plan Maior de Seguridade, posto en marcha polo Ministerio, nas que os axentes informan ás persoas de máis idade dos riscos que constitúen unha maior ameaza para a súa seguridade e as medidas de autoprotección que poden adoptar.
En canto aos escolares, o subdelegado aludiu a outro plan posto en marcha a nivel nacional, o Plan director para a convivencia e a mellora da seguridade escolar nos centros educativos, neste caso dirixido á comunidade educativa. Así, no curso 2014/2015, impartíronse 13 charlas en centros educativos de Ribadeo sobre temáticas como o acoso escolar, o riscos do uso inaxeitado de internet e as novas tecnoloxías, a prevención de incendios ou o consumo de drogas. No mesmo período, beneficiáronse do plan 127 centros de ensino e máis de 14.500 alumnos en toda a provincia.
Na reunión deste martes participaron, ademais do subdelegado e o alcalde de Ribadeo, representantes da Garda Civil, a Unidade de Tráfico, a Policía Autonómica e a Policía Local, entre outros.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
