Foz, 15 de xullo de 2015.- O alcalde de Foz, Javier Jorge Castiñeira, oponse á decisión da Dirección General de Tráfico (DGT) de trasladar a Lugo os exames teóricos para obter os carnés de conducir, probas que se levan facendo na vila focense dende hai varias décadas. O rexedor focense xa trasladou as súas queixas aos responsables provinciais da Administración Central e buscará o apoio do resto de alcaldes da Mariña para intentar evitar o que considera un “recorte inaceptable”.
Javier Castiñeira manifestou este mércores que “dende o Concello de Foz, e entendo que en nome de todos os mariñáns, quero mostrar o noso máximo descontento ante a decisión da Dirección General de Tráfico de trasladar a Lugo os exames teóricos de conducir, que ata agora se facían en Foz. É completamente inxustificado, pois cremos que os 70.000 veciños da Mariña temos dereito a facer os exames aquí, xa que senón suporía andar moitos anos cara atrás. Non sei se o afán da Administración do Estado é centralizar os servizos na cidade de Lugo, pero nós non estamos dispostos e, dende logo, creo que todos os demais mariñáns tampouco. Os veciños da Mariña non teñen porque desprazarse a Lugo e gastar, non só a persoa que vai facer o exame senón tamén un acompañante, uns cartos e un tempo”.
O alcalde engadiu que “se queren informatizar as aulas hai locais en Foz para facelo; que realicen aquí ese investimento e que se deixen de desculpas baratas. Non cesaremos ata que ese servizo volva a Foz, porque as desculpas que pon a Dirección General de Tráfico son inxustificables, pois din que queren tratar de que os exames sexan moito máis confidenciais. Se queren mellorar o servizo estamos encantados de que o fagan, pero que sexa aquí, na Mariña. Polo tanto a Dirección General de Tráfico ten que cesar desa idea, coa que non estamos para nada de acordo. No día de hoxe, cando mo notificaron, xa lles mostrei o meu completo descontento a todos os responsables da Administración Central en Lugo e non vamos cesar no noso empeño de que todos os mariñáns poidan facer os seus exames teóricos onde os viñan facendo, que neste caso é no centro da Mariña, en Foz. Cremos que é un recorte inaceptable para o que non vemos ningún tipo de xustificación”.
Ademais Castiñeira anunciou que vai notificar a todos os alcaldes da Mariña esta decisión e “entendo que entre todos tomaremos as medidas oportunas para facer forza ao unísono todos os concellos e evitar este recorte para todos os mariñáns”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
