O Vicedo, 22 de xullo de 2015.- O BNG Asembleas Abertas do Vicedo acordou dúas cuestións: Por unha banda, acordou presentar unha moción para solicitar a creación do servizo de bus nocturno Noitebús, moción que foi presentada na mañá deste mércores, e iniciar unha recollida de sinaturas para a posta en funcionamento dun centro de día na antiga Casa do Mar.
Noitebús
O PP decidiu prescindir do servizo de Noitebús fai uns anos, malia que, coa súa existencia, aumentou a seguridade viaria e se reduciu a siniestralidade. O Noitebús tiña moi boa acollida na mocidade galega e, en concreto, na mocidade vicedense, que o utilizaba para desprazarse a Viveiro nos fins de semana.
A día de hoxe, o concello do Vicedo carece, prácticamente, de transporte público. Resulta imposible ir a Lugo e o único xeito de chegar a Ferrol é utilizando o FEVE.
Desde o BNG Asembleas Abertas do Vicedo, cremos firmemente na necesidade de que exista un servizo de Noitebús no noso concello. É por iso que sometemos a debate e aprobación polo Pleno dunha moción propoñendo que o concello subvencione unha parte do servizo Solicitamos tamén que se teña en conta esta cuestión para a elaboración dos futuros orzamentos.
Centro de día
A Xunta de Galicia incumpriu a súa promesa de construir centros de día naqueles concellos de máis de 1.500 habitantes. O Concello do Vicedo tiña, supostamente, concedidos 300.000 euros do orzamento da Xunta para financiar a adaptación do edificio da Casa do Mar para Centro de Día.
Desde o BNG Asembleas Abertas do Vicedo, entendemos que é necesario que exista un centro de día por varios motivos. Un tercio da poboación do Vicedo é maior de 65 anos, franxa de idade moi susceptible de sufrir situacións de dependencia. Asemade, O Vicedo conta cun espazo desocupado como a Casa do Mar, local que xa foi declaradeo idóneo para habilitar un centro de día polos técnicos da Xunta fai un tempo.
Coa creación do centro de día crearíanse postos de traballo no concello e melloraríase a calidade de vida dos maiores, así como a vida dos seus familiares.
O BNG do Vicedo comprometese a presentar estas sinaturas no Concello do Vicedo como medida de apoio á moción que presentaran nuns meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
