Foz, 23 de xullo de 2015.- Os concelleiros da nova corporación de Foz reuníronse este mércores co equipo redactor do Plan Xeral de Ordenación Municipal (PXOM) e con técnicos municipais para coñecer o estado da tramitación do documento. Así o explicou o alcalde de Foz, Javier Jorge Castiñeira, que definiu o encontro de “moi produtivo” e salientou a “boa disposición” dos grupos para sacalo adiante.
Javier Castiñeira amosouse convencido de que os trámites que quedan se completarán nas próximas semanas para que se poda levar a pleno do documento no prazo de dous meses. “Era unha toma de contacto dos novos concelleiros co Plan Xeral. Está, segundo nos din os propios redactores, moi avanzado e practicamente listo para a aprobación provisional . Está pendente de catro informes: de Carreteras del Estado, de Estradas da Xunta de Galicia, da Deputación e de Portos de Galicia. Imos intentar nestes dous próximos meses ter eses informes, que son preceptivos para poder levar a aprobación provisional ao pleno da corporación. Tamén se lles comentou que temos recibido o informe de avaliación ambiental da Xunta de Galicia”, relatou o rexedor.
A corporación municipal puido coñecer na reunión os pormenores da trámitación dende que esta se iniciara hai oito anos. “O Plan Xeral de Foz está máis avanzado do que estivo nunca. Hai unha moi boa oportunidade para aprobar un Plan e hai que facelo probablemente no primeiro semestre do ano que vén, antes de que entre en vigor a nova modificación da Lei do Solo de Galicia. Explicáronse os antecedentes de como se iniciou no ano 2007 con este equipo redactor a tramitación do Plan, como se retomou no 2011 por este equipo de goberno, a situación na que estamos e o que nos queda. Vin boa vontade por parte dos grupos, todo o mundo recoñece que a situación actual do urbanismo de Foz non pode seguir así, que, como fixeron concellos como Ribadeo, Burela, Xove e outros que teñen moi avanzado o seu PXOM, hai que sacalo adiante porque é un documento fundamental para o futuro do noso pobo. Niso estamos de acordo todos”, destacou Castiñeira.
O alcalde chamou ao acordo entre os grupos e a confiar nos responsables da redacción do PXOM: “hai que ter confianza no equipo redactor, que coñece perfectamente o concello de Foz. Eu vin boa disposición, démonos un prazo de dous meses para resolver eses catro informes que quedan pendentes e, a partir de aí, con toda a documentación, trataremos de facer o pleno de aprobación provisional, resolver as alegacións nese mesmo pleno e a partir de aí envialo a Urbanismo para que a Xunta dea xa a aprobación definitiva. Esas son as bases desta reunión, moi produtiva e interesante, sobre todo para dar a coñecer á nova corporación o expediente do Plan Xeral”, indicou.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
