Lugo, 23 de xullo de 2015.- A principios deste mes de xullo comezaron a implantarse algunhas das medidas de protección contempladas no Plan de conservación do monumento natural das Catedrais. Este plan incluía, entre outras medidas, a limitación do número de persoas que poden acceder diariamente ao areal e a necesidade de facer unha reserva gratuíta previa á visita.
Co fin de coñecer a repercusión desta decisión nos establecementos de aloxamento da zona, Turismo de Galicia realizou unha sondaxe co obxectivo de medir o nivel de ocupación dos establecementos na primeira quincena do mes de xullo, As expectativas cara ao verán e a posible influenza que as medidas de protección puideran ter nos niveis de afluencia turística e ocupación dos propios establecementos. En particular, seleccionáronse para a mostra os hoteis, pensións, apartamentos turísticos, cámpings e establecementos de turismo rural dos concellos de Ribadeo, Barreiros, Viveiro e Foz.
Unha das principais cuestións detectadas nesta sondaxe foi a vinculación existente entre a visita á praia das Catedrais e os niveis de ocupación dos establecementos da zona. O 85% dos viaxeiros aloxados nos establecementos regrados dos catro concellos consultados visitou a praia das Catedrais durante a súa estadía nestes, situándose esta porcentaxe preto do 89% no concello de Ribadeo e no 77% en Viveiro.
Así mesmo, os datos reflicten que, durante a primeira quincena de xullo, un total de 30.209 persoas visitaron a praia das Catedrais, un 72% delas con reserva previa.
Neste senso, tres de cada catro establecementos consultados sinala que as medidas de restrición de acceso implantadas na praia das Catedrais non están a afectar aos seus resultados de afluencia e ocupación. En termos comparativos son os establecementos de Viveiro e Foz os que se perciben menos afectados polas medidas implantadas –así o sinalan o 90% e 80% dos mesmos, respectivamente-.
Ocupación na primeira quincena de xullo
Así mesmo, a sondaxe mostrou que o conxunto dos catro municipios nesta primeira quincena de xullo rexistrou unha ocupación media do 65,4%. Viveiro foi o concello que presentou neste período a porcentaxe máis elevada cunha ocupación do 71,9% seguido de Ribadeo onde a ocupación media situouse no 68%.
Os apartamentos turísticos foi a modalidade que presentou na primeira quincena de xullo unha maior ocupación, superando o 80% de media. Séguenlle en orde de ocupación os hoteis, -cun 68,2%-, as pensión -cun 59,8%-, os establecementos de turismo rural –cun 56,6%- e finalmente os cámpings -cun 41%-.
Na comparativa co mesmo período de 2014 un 78,5% dos establecementos consultados indicou que os resultados desta primeira quincena son iguais ou mellores que os do mesmo período do pasado ano, indicando especificamente preto do 47% que ata o momento as cifras deste ano melloran as do mesmo período do 2014.
Tendo en conta as tipoloxías, o 83,3% dos hoteis sinalan estar igual ou mellor que o pasado ano, cifra que se sitúa no 76,2% nas pensións, no 76,9% nos establecementos de turismo rural, no 75% nos apartamentos turísticos, e no 71,4% dos cámpings.
Considerando os datos por concellos a sondaxe mostra que o 80% dos establecementos de Ribadeo e Foz consideran que están igual ou mellor que o pasado ano, Viveiro presenta unha cifra do 78,9%, mentres en Barreiros o 73,3% considera que os resultados desta primeira quincena de xullo son cando menos tan bos como os do 2014.
Previsión ocupación verán
En canto á previsión da ocupación para todo o verán, segundo as cifras apuntadas polos establecementos consultados, as expectativas actuais sitúan esa porcentaxe por encima do 85% en Ribadeo e Viveiro. En Foz estímase poder chegar ao 80% mentres que en Barreiros as expectativas son do 78,7%.
A nivel de tipoloxías de aloxamento as expectativas sitúan o nivel de ocupación por encima do 80% na maior parte delas.
Así mesmo, a valoración de tipo máis cualitativa é moi positiva nos catro concellos consultados. Un 100% dos establecementos de Viveiro e un 80% dos situados en Ribadeo sinalan que teñen boas expectativas cara ao conxunto do verán.
Considerando os datos por tipoloxías de establecementos as pensións e apartamentos turísticos son os que máis confianza teñen, pois o 100% dos mesmos teñen expectativas positivas. Así mesmo, os hoteis e establecementos de turismo rural presentan cifras superiores ao 70%.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
