Foz, 4 de agosto de 2015.- As Xornadas de Historia Local de Foz, organizadas pola A.C. A Pomba do Arco, continúan este mércores día 5 cunha charla sobre os 75 anos do Martínez Otero, impartida por Antón Niñe, Ramón Eiras e Alexandra Eiras, todos eles exalumnos do colexio. Será ás 20:30 horas na Casa da Cultura de Foz.
O traballo no que se basea a charla concebiuse para ser escrito e publicado en forma de libro, co gallo do 75 Aniversario e como recoñecemento ás persoas e institucións que fixeron e fan posible o fermoso proxecto que segue sendo o Martínez Otero.
Os autores
A división e reparto do traballo en tres etapas obedece a criterios previos de investigación e a motivacións persoais. Cada un afronta a súa parte expositiva dacordo a razoamentos propios:
-Antón Niñe. Etapa dos HH Menesianos e Mestres: Xa a tiña estudada e foi alumno na fase final. Exposición en liña clásica de redacción histórica.
-Ramón Eiras. Periodo dos PP Maristas, como alumno que foi deles en Foz e Salamanca, compañeiro e profesor. En homenaxe á súa nai recentemente falecida e ós traballadores do servizo, narración autobiográfica e en primeira persoa.
-Alexandra Eiras. Exalumna dos Salesianos. Por razóns profesionais escolleu o xénero periodístico, en concreto, a crónica.
Resumo dos contidos
A fundación benéfico-docente Martínez Otero baséase xurídicamente no testamento de Pilar Otero de 1925 que otorgaba os bens dos esposos Eliseo Martínez e Pilar Otero (sen descendencia) para a fin principal de crear un colexio para nenos.
Durante os anos 30 os albaceas adícanse a cumplimentar as cláusulas do testamento, tendo que sortear numerosos problemas. En 1939 conseguen que os HH Menesianos se fagan cargo da obra.
Esta etapa iníciase en 1939 e remata en 1964. Construiron un novo edificio e pecharon a propiedade actual, denominándoo como Colexio Sagrado Corazón. Estudaban alumnos internos e externos. Regularizaron as actividades lectivas ofrecendo unha base académica seria e realizando actividades culturais, relixiosas e deportivas (tiveron moito que ver na creación do CD Foz).
Unha serie de irregularidades na xestión económica e o mal ambiente creado na vila, puxeron fin á súa estancia en Foz.
Ó marchar os Menesianos, o Patronato atopou provisionalmente un sustituto na administración do Colexio, mentres se negociaba con varias congregacións relixiosas. Foi así que, durante dous cursos, D. Manuel Crespo “Motorín”, fíxose cargo do Colexio cun grupo de mestres encabezados por D. Fernando González.
No segundo ano dos mestres chégase a un preacordo cos Maristas que envían a modo de “ad experimentum”, ó P. Agapito Díez como observador e novo director do Colexio. A experiencia foi positiva e a congregación acepta.
Os PP. Maristas fanse cargo do Colexio desde o ano 1966 ata o 1991. Vivindo solidariamente coa comunidade focega e dacordo coas transformacións da época, tanto no Estado español coma na Mariña en particular, fixeron deste tempo unha etapa de grandes logros e cambios, adquirindo o recinto a estructura actual: edificios, instalacións, patios e pavillón de deportes. Do seu mestrazgo e valores transmitidos, sairon as primeiras xeracións con acceso á Universidade. Das súas instalacións naceron clubs deportivos, asociacións culturais, grupos musicais, publicacións e persoas en todas as profesións.
Pasouse da sotana ós vaqueiros. Do latín ás linguas vulgares e dun mundo en branco e negro rexido polo temor e o castigo a unha mensaxe de amor e tolerancia. Os Maristas deixaron un Colexio saneado, de prestixio e con máis de 500 alumnos.
Do 1991 ó 2012, a Congregación Salesiana faise cargo do Colexio, organizando a institución segundo as novas esixencias, introducindo a ESO e outra serie de reformas, espallando a pedagoxía do seu fundador San Xoán Bosco.
Un profesorado maioritariamente de antigos alumnos, formado na Universidade e que recolle todo o positivo das etapas anteriores faise cargo do Colexio Martínez Otero no 2012 ata hoxe.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
