Burela, 18 de agosto de 2015.- O alcalde, Alfredo Llano, mantivo unha xuntanza este martes coa xerente executiva do Hospital da Costa, Carmen Durán Parrondo, á que lle expuxo a súa preocupación polo peche de camas durante o verán, pola ampliación do centro e tamén a necesidade de recuperar a área sanitaria integrada da Mariña. Llano dixo que o encontro foi cordial e moi agradable.
O rexedor contou que na mañá deste martes “tiven unha entrevista coa directora do hospital, Carmen Durán. Xa levaba tempo querendo ter unha reunión con ela, máis que nada para darnos a coñecer, facer un contraste de pareceres e mirar aquilo que sexa mellor para o noso concello e para o conxunto da comarca da Mariña en cuestións sanitarias”.
Llano relatou que “estivemos preto de dúas horas falando de forma moi aberta e moi agradable, nunha conversa moi boa na que cada un expuxo o seu parecer sobre a sanidade. Pregunteille como vai o proceso do plan director e sobre todo da ampliación do hospital, porque unha petición que estou facendo constantemente e coa que seguirei ata que se logre é recuperar á area integral da Mariña. Así llo dixen a ela. E despois hai que favorecer a ampliación do hospital e a súa autonomía total tanto sanitaria como económica. Tamén hai que mirar que na atención primaria se repoñan os postos daquelas persoas que se van xubilando, como os médicos ou os ATS. Ademais hai que dotar de servizos á atención primaria de acordo cun plan que debería existir, pois é moi demandado”.
O alcalde de Burela tamén lle expuxo a Carmen Durán “a miña preocupación polo peche de 30 camas do hospital no verán. Eu argumento que loxicamente é unha poboación moi grande a que hai agora na Mariña e polo tanto demándase unha atención sanitaria adecuada á cantidade de xente que ven aquí nos meses de verán: hai nenos e maiores en moitas das familias que veñen veranear á comarca, polo tanto débese ter unha atención para ese tipo de xente”.
Carmen Durán e Alfredo Llano tamén falaron “de participar e colaborar as dúas institucións, a sanitaria e o Concello, en todo aquilo que poidamos. Vamos tratar de colaborar en programas sanitarios específicos nos que eles nos pidan. Desde logo vamos estar aí para aquilo que necesiten e penso que a intención por parte da responsable do hospital é a mesma”.
O alcalde engadiu: “chegamos á conclusión de que vamos loitar todos pola sanidade pública, que é un dereito que levou moito tempo acadar e hai que mantelo, mellorar e potenciar. É necesario que este hospital teña características de xeral máis que comarcal, debido á cantidade de servizos que ten e procurar que no sucesivo non se pechen tantas camas, que a atención sexa pensada na cantidade de xente que temos aquí”.
Alfredo Llano considera que “a miña exposición foi clara de preocupación polo plan director, pola ampliación do hospital, por recuperar a área integrada, sobre todo pensando na mellor atención, e que os servizos que hoxe se ofrecen no hospital se melloren. Nesa liña estamos todos, tamén eles loxicamente están pensando na mellora constante, como debe ser, do Hospital da Costa”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
