Burela, 24 de agosto de 2015.- O CD Burela FS Pescados Rubén será o anfitrión do I Torneo de Fútbol Sala …E para Comer, Lugo, o venres 28 e sábado 29 de agosto. Así o deron a coñecer este luns á mañá, na súa presentación, o presidente e o vicepresidente laranxas, Manuel Blanco e José Luis Sáez, na sede da Asociación Provincial de Empresarios de Hostelería de Lugo na cidade amurallada, acompañados polo responsable da Área de Deportes da Deputación de Lugo, José Manuel Yanes, e o presidente da Apehl, Cheché Real, entre outros representantes da asociación hostaleira.
A bomboneira reunirá un luxoso cartel na rectal final de preparación do equipo de Daniel Ibañes para comezar nas mellores condicións a cuarta tempada laranxa na máxima categoría. “É un torneo de pretempada de máximo nivel, no que a afección poderá gozar do espectáculo de Primeira División antes de que comece a liga”, coincidían en resaltar Manuel Blanco e José Luis Sáez. Xunto ao cadro de Daniel Ibañes daranse cita dous rivais de Primeira División, Palma Futsal e Santiago Futsal, ademais do Cidade de Narón, de Segunda.
O primeiro prato enfrontará o Palma Futsal e o Santiago Futsal, o venres ás 18:00 horas. Ás 20:15 horas loitarán por un posto na final o CD Burela FS Pescados Rubén e o Cidade de Narón. O sábado volverá levantarse o pano ás 18:00 horas para dirimir forzas entre o terceiro e o cuarto clasificados; a gran cita polo título arrancará ás 20:15. Haberá entrada única para todo o torneo ao prezo 5 € para adultos e de 1 € para os menores de idade.
Con esta iniciativa a Apehl e o CD Burela FS Pescados Rubén unen os seus camiños no que os dous dirixentes, Cheché Real e Manuel Blanco, esperan que sexa “o primeiro paso dunha frutífera colaboración entre ambas as entidades para o apoio mutuo nos obxectivos de promoción de dúas das riquezas da provincia, a gastronomía e o fútbol sala”.
Burela FS Pescados Rubén 6-1 Noia Fútbol Sala
O cadro mariñán impúxose ao Noia Fútbol Sala o sábado na Fonsagrada por un claro 6-1. Daniel Ibañes volveu contar con todos os xogadores que están realizando a pretempada nunha cita que se resolveu con contundencia na segunda parte. Chino abriu o marcador no minuto 5, aínda que os coruñeses non baixaron os brazos e igualaron a contenda no 16, de Christian. Tras o descanso, o Burela FS Pescados Rubén non deu tregua na finalización con repartición goleadora de Hélder (minuto 24), Isi (27), Renato (32), Iago Míguez (34) e Chano (39).
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
