Mondoñedo, 26 de agosto de 2015.- A presidenta da Deputación de Lugo, Elena Candia, anuncia que a próxima semana se iniciarán os traballos de desbroce e limpeza ao redor do Mirador de Mondoñedo, edificio de titularidade da institución provincial.
A presidenta explica que estas actuacións, que se acometerán con medios propios do organismo, supoñen un primeiro paso para a adecuación das inmediacións deste edificio, que na actualidade presenta un estado ruinoso tras o abandono ao que se viu sometido polo goberno bipartito na Deputación de Lugo.
Candia defende a imperiosa necesidade de levar a cabo estes traballos de adecuación do terreo que o rodea xa que a imaxe que ofrece, segundo engade a popular, é froito do “máis absoluto esquecemento ao longo de anos o que provoca que a maleza invada incluso a edificación”.
Proxecto de rehabilitación
A presidenta da Deputación de Lugo tamén anuncia o encargo ao Servizo de Urbanismo da redacción dun proxecto para a rehabilitación das estancias do edificio, sobre as que se pode obter un maior aproveitamento en función da súa localización e funcionalidade. Neste senso, Candia refire á prioridade de actuar nas zonas da cafetería e do restaurante.
A popular engade tamén que a previsión é a de que no próximo ano se materialice este proxecto e realicen as obras na edificación, tendo sempre en conta a normativa urbanística correspondente e, en base, a cuantificación económica que sexa contemplada no proxecto.
Petición de responsabilidades
A presidenta da institución provincial pide tamén responsabilidades ante o pésimo estado de conservación no que os socialistas e os nacionalistas deixaron o edificio, tal e como se pode comprobar nas fotos que se achegan.
“Sufrimos a incapacidade absoluta do anterior goberno provincial para xestionar os bens da súa titularidade, ata o punto de que o bipartito recibiu un edificio en funcionamento que agora nos deixaron en pésimas condicións despois de intentar malvendelo e mesmo cedelo neste estado a outras administracións, amparándose incluso en iniciativas que ían en detrimento da localidade”, lembra Candia.
Pola contra, a presidenta da Deputación concluíu ao asegurar que “a nosa proposta e a de desenvolver nesta localidade un proxecto que poda darlle un pulo económico e social ao municipio no que se asenta e, deste xeito, poñer en valor un ben de titularidade provincial”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
