Burela, a 11 de setembro de 2015.- O portavoz do Grupo Municipal Popular (GMP), José María González Barcia, manifestou este venres que “o acordo adoptado onte polo Consello da Xunta en relación co incremento de crédito para levar a cabo a ampliación do Hospital signficia un paso máis, pero decisivo, para levar a cabo tal ampliación, que será posible cun goberno do Partido Popular”.
Barcia dixo que “agora que xa hai dotación económica, queda que a Xunta licite as obras, e quero lembrar que o Presidente Núñez Feijoo dixo no propio Hospital no acto de presentación do documento do Plan Director, o 18 de marzo pasado, que no outono deste ano se licitarían as obras; igual que Núñez Feijoo está cumplindo os seus compromisos, cumplirá tamén licitanto e adxudicando as obras”.
O Grupo Municipal Popular (GMP) manifestou que “todos desexamos que a ampliación se faiga canto antes, pero mentres uns traballan e traballamos para sacar as cousas adiante, outros non se cansan de poñer paus nas rodas para entorpecer e poñer impedimentos, chegando a mentirlle á xente”.
Os populares afirman que “a anterior goberno muncipal, do PP, fixo o seu traballo aprobando o Plano Xeral de Ordenación Municipal, entre outras cousas para facer posible a ampliación do Hospital, modificando de 100 metros a 25 a liña de edificación da variante de Burela, ou fixando solo dotacional e ordenanzas urbanísiticas axeitadas na zona do Hospital para que agora se poida facer todo o proceso que se está facendo en relación coa ampliación”.
O GMP tamén di que “nos últimos meses do noso mandato, houbo conversas coa Xunta e cos redactores do Plan Director para buscar alternativas ó aparcamento e heliporto actuáis durante a realización das obras”.
“Esto demostra, engaden, que desde o goberno municipal do PP tamén se traballou arreo para facer posible a ampliación do centro sanitario”.
Finalmente, o GMP afirma que “a todas luces é innegable e irrefutable o compromiso da Xunta de Núñez Feijoo e do PP con Burela: acceso ó porto, nova escola infantil, son obras que están aí e que non se pararon, como alguén decía e ó millor no fondo pretendía, e agora vemos que a ampliación do Hospital está cada vez máis cerca, e non precisamente gracias ós que anunciaron no seu día a ampliación tres veces, e coma o apóstolo, tres veces mentiron”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
Este xoves gozaron dunha xornada chea de diversión, con xogos grupais nos que aprenderon a colaborar e compartir, e actividades de manualidades onde deron renda solta á súa imaxinación. Un espazo para medrar, xogar e facer novas amizades.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
