Lugo, 15 de setembro de 2015.- A presidenta da Deputación de Lugo, Elena Candia, asinou este martes os convenios cos que a administración provincial pasa a financiar o 100% dos custes reais do servizo de teleasistencia domiciliaria en 66 concellos da provincia, cunha achega total de 335.880 euros.
Formalizando o seu compromiso de asumir con fondos propios este servizo, o Goberno provincial reforza os investimentos tanto en benestar social como en asistencia aos lucenses, “buques insignia deste novo Goberno provincial”, destacou Candia durante o acto de sinatura que tivo lugar hoxe na sala de exposicións da Deputación.
O servizo de teleasistencia, que incrementa a protección das persoas maiores as 24 horas dos 365 días do ano grazas a instalación de dispositivos de conectividade e seguridade, está a beneficiar na provincia de Lugo a unhas 1.000 persoas maiores, ao permitirlles comunicar con rapidez calquera situación de risco ou emerxencia.
Durante o acto, no que participou a deputada de Benestar, Mari Teijeiro, así como a maior parte dos rexedores dos concellos da provincia, Elena Candia destacou que “esta é unha clara aposta que facemos porque o noso desexo é que os nosos maiores poidan vivir con todas as garantías, o maior tempo posible e nas mellores condicións nos seus propios fogares.
Colaboración cos concellos
Esta medida posta en marcha polo Goberno popular tamén beneficia aos propios concellos, xa que lles supón un importante aforro tendo en conta que ata o de agora estaban a financiar o 50% dos custes que agora asume a entidade provincial. Este feito proba, tal e como lembrou Candia, que “o Goberno que eu presido está plenamente implicado na colaboración e cooperación cos municipios”, algo que ata o de agora non se materializaba de xeito íntegro, posto que os municipios, estaban obrigados a financiar a metade do custe da teleasistencia.
Ofrecer maior cobertura
Pola súa banda, a deputada de Benestar, Mari Teijeiro, destacou que nestes intres é “a nosa prioridade darlle contido a este servizo e proceder a dar unha maior cobertura do mesmo”.
De feito, a de Lugo convertíuse na única das deputacións galegas en non dar novas altas en teleasistencia, en concreto dende o ano 2007, situación que o actual Goberno provincial vai cambiar. Para iso, subliñou Teijeiro, “é precisa unha labor de coordinación coa Xunta que nestes momentos á a administración que está a facer esa cobertura”.
Do mesmo xeito, a deputada de Benestar fixo fincapé na necesidade de revisar e adaptar a ordenanza que regula a prestación do servizo de teleasistencia, que data de decembro de 2006, para o cal “é fundamental ter en conta aos técnicos dos concellos”, para ter unha visión das necesidades reais dos usuarios e determinar cal sería a fórmula máis “axeitada e operativa”.
3.000 lucenses beneficiados nos primeiros meses
Estes 1.000 maiores lucenses que están a beneficiarse dun servizo básico no apoio domiciliario, pasan a sumarse aos beneficiarios doutra das medidas que o actual Goberno da Deputación vén de poñer en marcha: o aumento nos fondos destinados ao Servizo de Asistencia no Fogar. Deste xeito, xa son uns 3.000 veciños de todos os concellos da provincia os que “poden ter unha mellora na calidade de vida grazas a unha xestión máis eficaz e eficiente dos fondos públicos da Deputación de Lugo, dos cartos que a eles e a todos os lucenses lles pertencen”, lembrou Candia, quen celebrou a boa acollida que esta medida está a ter os usuarios e as súas familias.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
