Ao longo dos últimos anos o Goberno galego deu mostras dabondo do seu compromiso coa mellora das infraestruturas hospitalarias, pero faltaba por desbloquear unha actuación especialmente agardada, como era a ampliación e remodelación do Hospital Público da Costa.
É imprescindible adaptar a principal infraestrutura sanitaria da Mariña lucense á súa realidade e salvar as necesidades de espazo que sofre tras case trinta anos de actividade. Para iso, a Xunta conta xa co crédito necesario -12,8 millóns de euros- para poder licitar as obras, de acordo co compromiso adquirido de iniciar ese procedemento antes de que remate o 2015.
Grazas a este respaldo, poderase ampliar o hospital nun terzo da súa superficie actual: 6.000 metros cadrados máis sobre os 17.600 cos que conta. Ampliar o número de camas, novos espazos de consultas externas e gabinetes de exploración, aumentar a unidade de diálise e crear un hospital de día e de cirurxía menor.
Trátase dunha actuación fundamental para a nosa comarca e para Galicia, que demostra que o Goberno Feijóo foi capaz de completar en plena crise o impulso de modernización das infraestruturas hospitalarias que outros nos negaron en tempos de bonanza.
É certo que levamos anos falando da ampliación do Hospital, pero ninguén pode esquecer que un reto destas características esixe un proceso longo e complexo iniciado anos atrás coa revisión do plan funcional, a redacción do plan director -no que se investiron 112.530 euros- e que estableceu como e con que características tiñamos que realizar unha obra desta magnitude.
Hai quen ten moito interese en desvirtuar a aposta da Goberno galego pola mellora do hospital público da Mariña. Son os mesmos que aseguraban que o iamos pechar ou baleirar de servizos. Que a Xunta non habilitaría orzamento suficiente. Son os mesmos que negaban os máis de 2,2 millóns de euros investidos no centro desde que Feijóo é presidente da Xunta, en obras e novas dotacións tecnolóxicas: na reforma da área de maternidade, teito e zona de arquivo, novos ecógrafos, segunda sala de endoscopia, novas estacións de anestesia,… Os mesmos que dixeron que nunca veríamos dous novos servizos de enorme importancia que hoxe están en funcionamento: a sala de quimioterapia (oncoloxía) e a unidade de hospitalización a domicilio.
Estamos máis preto que nunca do obxectivo final: dispoñer dun centro máis moderno, máis amplo, máis accesible e con mellores características ao servizo dos veciños da comarca e dos traballadores que coidan da nosa saúde.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
