Xove, 16 de setembro de 2015.- Este pasado fin de semana celebrouse, no Campo Municipal de Bólos de Sumoas, o VI Campionato de España Feminino 2015. Este campionato comezou ás 12:00 horas do sábado 12 de setembro, rematando o domingo 13 pola tarde.
O Campionato disputárono 28 xogadoras de Madrid, Asturias e Galicia, comunidades onde se practica este xogo tradicional. O sábado 12 desenvolveuse o campionato individual e na última xornada, o domingo 13, o campionato por parellas.
Categoría feminina individual
Paula López, do Club de Bólos Boiro, proclamouse campiona de España de Bólo Celta. Este resultado non sorprendeu a ninguén dos que seguen esta competición, acaso existía a dúbida de si Blanca Lago (do Club de Bólos Estivada de Nigrán), varias veces Campiona de España, lle podería facer fronte. Pois non, Paula López impúxose sen dificultade facéndose co seu primeiro entorchado nacional. A verdade é que unha delicia vela xogar; a súa potencia e precisión nas tiradas é extraodinaria. Polo tanto, victoria merecidísima da xogadora boirense.
Pola parte do Club de Bólos Xove, Mª Carmen López aspiraba, como mínimo, a revalidar o subcampionato acadado o pasado ano, pero non puido ser, xa que non conseguiu clasificarse entre as 8 finalistas. Pero a sorpresa deuna unha xove xogadora xovense: Julia López, de só 12 anos, xogadora habitual da Liga Infantil de Xove, realizou un extraordinario campionato alzándose co 3º posto final, sendo superada nas semifinais pola varias veces campiona de España Blanca Lago. Destacado foi tamén o papel doutra xogadora xovense nesta categoría: a vixente campiona da Liga de Xove, Belén Meitín, foi cuarta, sendo superada por Paula López nas semifinais e por Julia López na loita polo 3º e 4º posto.
Categoría feminina-parellas
Esta categoría xogouse cos resultados obtidos na Categoría Individual, e así a 1ª fixo parella co 16ª, a 2º coa 15ª, etc. Nesta categoría todo o público estaba deseoso de ver se Paula López (do Club de Bólos Boiro – A Coruña) era capaz tamén de gañar nesta categoría, xa que lle tocou de parella outra xogadora potentísima, Laura Redondo, tamén do Club de Bólos Boiro; Laura tivera unha mala tarde na clasificación individual, onde posiblemente os nervios do seu primeiro campionato de alto nivel a relegaron ao posto 16. Pois ben, a punto estiveron de conseguilo, pero ao final tivéronse que contentar co subcampionato.
Carmen Roca do Club de Bólos Xove, formando parella coa asturiana Paula Alonso do Club de Bolos Villatresmil de Asturias, conseguiron derrotar na final ás boirenses Paula López e Laura Redondo por un claro 4 a 2. Deste xeito Carmen Roca resarcíase dos malos resultados obtidos na categoría individual e obtiña o seu primeiro entorchado nacional, superando así o subcampionato obtido o pasado ano na categoría individual.
Para o terceiro posto enfrentábanse Belén Meitín do Club de Bólos Xove formando parella con Laura González do Club de Bólos de Camos – Nigrán contra Verónica Fernández do Club de Bolos Compastur de Asturias e Montse Valverde do Club de Bólos a Rega de Nigrán. Pois ben, a xovense Belén Meitín, xunto coa súa compañeira Laura González, lograron imporse e acadar o terceiro posto na final.
Ún dos aspectos máis salientables do campionato foi o excelente ambiente de compañeirismo entre tódalas xogadoras, animándose unhas a outras sen distinguir se a que tiraba era unha compañeira de club ou non.
A organización do Campeonato correu a cargo do Club de Bólos Xove e a Federación Galega de Bólos; o patrocinio foi por conta do Concello de Xove a través da súa Concellería de Deportes; en canto aos colaboradores: Consejo Superior de Deportes, Federación Española de Bolos e Deporte Galego da Xunta de Galicia.
Na entrega de premios, ademáis dos representantes da Federación Galega de Bólos, participaron o alcalde de Xove, Demetrio Salgueiro, e a Concelleira de Deportes, Cristina Iglesias.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
