A OPP-07-Lugo participa na Conferencia Internacional sobre a dimensión exterior da PPC en Las Palmas e nas reunións do CC de Augas do Noroeste en Dublín

16 de setembro de 2015.- A Organización de Produtores Pesqueiros de Lugo (OPP-07-LUGO), está presente activamente durante os días 16 e 17 de Setembro en diversas reunións mantidas no ámbito dos Consellos Consultivos de Longa Distancia e o de Augas do Noroeste.

Así, o Secretario Técnico, José Manuel Fernández Beltrán, participa este mércores día 16 de Setembro e este xoves 17, nas reunións da Asemblea Xeral e o Grupo de Enfoque sobre a Obrigación de Desembarque do Consello Consultivo de Augas do Noroeste que se celebran en Dublín (sede deste CC). Como é coñecido este Consello Consultivo é o que incumbe ás Augas Comunitarias das zonas VI e VII do CIEM (Gran Sol, Escocia…)

Pola súa banda a Xerente, Mercedes Rodríguez Moreda, está a participar na Conferencia Internacional sobre a dimensión exterior da PPC e a colaboración entre a UE e África, organizada polo Consello Consultivo de Longa Distancia, e que se celebra en Las Palmas de Gran Canaria os días 16 e 17 de Setembro. En concreto no día de hoxe participou como Relator dentro do Panel de Expertos, expoñendo a problemática da frota palangreira de superficie no tocante aos Acordos de Pesca cos países africanos. Asisten a esta conferencia internacional representantes da Comisión Europea, do Parlamento Europeo e das Administracións español, central e autonómicas, así como representantes de distintos países de África Occidental, de ORP como ICCAT e por suposto, membros de asociacións pesqueiras de toda Europa así como representantes das ONG.