RIBADEO (FNC) .- A xunta de portavoces do concello de Ribadeo ven de facer unha declaración institucional pola morte do ilustre ribadense Daniel Cortezón Álvarez, agradecendo a súa dedicación a Ribadeo e o legado da súa obra literaria.
DECLARACIÓN INSTITUCIONAL DO EXCMO. CONCELLO DE RIBADEO CO GALLO DO PASAMENTO DE D. DANIEL CORTEZON ALVAREZ
A Xunta de portavoces deste Concello, con motivo do falecemento na pasada noite deste ilustre ribadense, desexa expresar un recoñecemento expreso á memoria de Daniel, á súa prolífica obra así como testumuñar as condolencias á súa familia.
Daniel Cortezón naceu na nosa vila en 1927. A súa foi unha infancia marcada polos sucesivos traslados de seu pai, que pertencía ao corpo de carabineiros, e tamén, coma tantos coetáneos, pola Guerra Civil que obrigou a familia a fuxir a Francia.
Á volta, con 12 anos, comeza de aprendiz nunha botica. Este é un traballo que desenvolve até 1963, un tempo de estancia continuada en Ribadeo que podemos ver reflectida nas súas palabras a respecto da súa condición de lector e escritor: “Eu son absolutamente autodidacta. Apenas fun á escola para aprender as primeiras letras. Da biblioteca de Ribadeo lin, ao longo de vinte e tantos anos, no mostrador da farmacia, os máis de 3000 volumes cos que contaba”.
Foi traballar logo a León e Madrid, chegando a ser redactor xefe da revista Auxiliares de Farmacia. Na capital española estivo en contacto coa maior parte dos intelectuais galegos que entón residían alí e participou nas célebres xuntanzas do Café Gijón. Volveu a Galiza, residiu en Vigo e xa nos últimos anos pasaba cada vez máis tempo con nós.
Todas as reseñas críticas da súa obra poden resumirse no seguinte: “a Historia como fonte de símbolos colectivos. Cortezón reivindica o que isto pode ter de concentración espiritual positiva, de pulo dionisíaco e de rebeldía.” E isto é unha liña latexante en toda a súa obra. Nace na súa primeira novela, As covas do rei Cintolo, e segue con Prisciliano, Castelao ou a paixón de Galiza ou Xelmirez ou a gloria de Compostela que Roberto Vidal Bolaño escenificou co Centro Dramático Galego en 1999. Foi tamén Premio Nacional de Teatro.
Xa no plano local, cabe destacar a colaboración coa actividade cultural da nosa vila como é o feito de que fose socio de honra da Coral Polifónica desde o ano 2001 ou que a mostra anual de Teatro Afeccionado leve o seu nome. No ano 2002, como mostra de cariño e recoñecemento, a Corporación Municipal acordou darlle a unha rúa o seu nome.
En definitiva, un autodidacta que escribiu ensaio, narrativa, teatro, artigos xornalísticos… un grande escritor insuficientemente estudado aínda.
Mais para nós é tamén un veciño xeneroso no que este Concello e, nomeadamente, a Concellaría de Cultura e a Biblioteca Municipal, tiveron sempre a un colaborador entusiasta.
Esta Corporación Municipal, en nome de todos os veciños e veciñas de Ribadeo, quere facer público o recoñecemento ao seu legado literario, o pesar pola desaparición dun ribadense bó e xeneroso, así como trasladarlle o afecto á súa familia nestes tristes momentos.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
