Burela, 22 de setembro de 2015.- No pleno ordinario que se celebrará o vindeiro xoves, 24 de setembro, ás 20 horas someterase a aprobación unha proposta de ditame para modificar o regulamento do rexistro de parellas de feito “e adaptalo á normativa de 2014, xa que a anterior era do ano 2007”, segundo explica o alcalde, Alfredo Llano.
Na orde do día figuran tamén a aprobación dunha proposición da alcaldía sobre adhesión ao novo convenio marco entre a administración do Estado e a Xunta para a implantación dun sistema de rede de oficinas integradas de atención ao cidadá no ámbito territorial de Galicia. Así como a adhesión ao convenio administrativo de colaboración entre a xefatura central de tráfico e Femp para intercambio de información e a mutua colaboración administrativa.
Na sesión tamén se someterá a aprobación inicial a ordenanza de uso e aproveitamento das praias de Burela, “co obxectivo de contar cun areal ao que os veciños de Burela poidan levar as súas mascotas, os seus cans”. O areal que se baralla é o de Penoural. Tamén se modificará a ordenanza de limpeza e protección ambiental do Concello burelés.
Outro dos puntos que figuran na orde do día do pleno ordinario desta semana é a proposta sobre a regularización do servizo básico municipal do cemiterio. Llano indicou que “o que queremos facer é recuperar a xestión íntegra do camposanto, queremos que sexa un servizo totalmente municipal”.
Curso
Por outra banda, o rexedor tamén confirmou que “onte, luns, comezou a impartirse en Burela o curso de atención sociosanitaria no que están a participar 15 alumn@s” e lembrou que “xurdiu a posibilidade de impartir dito curso e fixemos practicamente todos os trámites nun tempo récord”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
