Lourenzá, 23 de setembro do 2015.- A voceira do Grupo Municipal Popular e presidenta dos populares de Lourenzá, Emma Álvarez, reclamou a promoción, coidado e posta en valor da ruta de sendeirismo Val de Lourenzá creada polo anterior Goberno municipal coa finalidade de dar a coñecer o fermoso patrimonio do Val, a súa riqueza etnográfica, paisaxística, histórica e cultural.
A popular explicou que parten do convencemento de que este tipo de rutas poden servir como reclamo para que visitantes doutros puntos da provincia ou mesmo da comarca (dentro do xeodestino da Mariña lucense) recalen no municipio, axudando a xerar riqueza e emprego e a potenciar a capacidade turística de Lourenzá.
Emma Álvarez pon deberes ao Goberno local para acadar este fin, en concreto, pide que promocione e dea a coñecer a ruta, a través de distintos medios como pode ser un, tan sinxelo e barato, como a propia páxina web do Concello, na que figura desde o mes de xuño “en construción”
A voceira popular tamén insta a alcaldía a manter libre de vexetación e en óptimo estado de conservación todo o trazado, e máis concretamente adecentar uns 100 metros que na actualidade atópanse en mal estado, correspondentes á baixada dende a Lavandeira ata a Igrexa de San Adriano, nesta mesma parroquia laurentina.
Sobre este particular concreto, Emma Álvarez, en nome do Grupo Popular presentou un rogo no último pleno municipal que espera sexa atendido desde o Equipo de Goberno socialista, máxime tendo en consideración e actuando con sensibilidade con respecto dunha actividade como é o sendeirismo, de máxima actualidade, e que está reportando grandes beneficios en moitas localidades veciñas, polo gran número de visitantes que pasean e gozan da natureza, gastronomía e comercio local.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
