Foz, 23 de setembro de 2015.- A próxima sesión plenaria da Corporación Municipal de Foz debaterá unha moción do Bloque Nacionalista Galego coa que se pretende axilizar a entrada en funcionamento da nova residencia, garantir o carácter público da súa xestión e defender o emprego dos traballadores e das traballadoras do Asilo mediante a súa subrogación no novo centro residencial. A proposta dos nacionalistas ten a ver co próximo remate das obras do centro residencial, que xustifica que os poderes públicos tomen as decisións debidas a fin de evitar máis retrasos na posta en funcionamento do servizo e tamén de posibilitar que este sexa da máxima calidade, algo que está reñido coa improvisación e coas decisións de última hora.
A iniciativa, asinada polas concelleiras nacionalistas Lorena Seivane e Teresa Rego, demanda en primeiro lugar que a administración competente proceda a habilitar o crédito suficiente nos seus orzamentos para facer fronte aos custes de dotación do centro residencial. “A nova residencia de Foz acumula atraso de anos, pénsese que o acordo da Xunta para iniciar as obras é de 2008, polo que os veciños e as veciñas deste Concello non poden agardar máis pola dotación. É urxente logo a entrada en funcionamento da residencia dada a demanda de prazas de residencia e de centro de día que existe e que non pode ser cuberta e tamén pola propia situación na que se atopa o Asilo, limitado pola falta de medios materiais e pola imposibilidade de acoller máis residentes”, indicaron Lorena Seivane e Teresa Rego.
A moción do BNG busca un acordo do Pleno da Corporación para garantir a xestión pública da residencia e do centro de día como requisito previo para unha atención de calidade dos nosos maiores e dun servizo universal que non exclúa a ninguén en función de criterios de renda. “A xestión pública e a calidade do servizo son dúas caras da mesma moeda. Privatizar implica necesariamente retraer unha parte do diñeiro destinado á prestación dun servizo para o lucro económico da entidade concesionaria. Non é tolerábel, agás que demos por bo converter os nosos maiores nun negocio e carecésemos da máis mínima sensibilidade social, que a xestión do centro sexa privada. Defendemos entón a xestión pública porque queremos o mellor servizo, a mellor atención e as mellores prestacións para os nosos maiores”, recalcaron as concelleiras nacionalistas.
A proposta das nacionalistas tamén anticipa a problemática na que se poden atopar os traballadores e as traballadoras do Asilo de Foz unha vez feche o mesmo e entre en funcionamento o novo centro residencial e de día. Nese sentido Lorena Seivane e Teresa Rego solicitan a subrogación destes no novo centro “posto que estamos falando de mulleres e homes dunha profesionalidade probada na atención a maiores, persoas con experiencia nestas tarefas e que a máis teñen un trato de familiaridade cos residentes no Asilo, a maioría dos cales pasarán a residir na nova residencia. Segundo os especialistas os cambios entre os coidadores dos maiores son negativos, pero tamén prescindir das traballadores do antigo Asilo xeraría un forte impacto na economía de moitas familias focegas que teñen no seu traballo no Asilo a súa fonte de ingresos”, conclúen desde o BNG.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
