Burela, a 23 de setembro de 2015.- O Grupo Municipal Popular (GMP) presentará dúas mocións durante o vindeiro pleno ordinario a celebrar este xoves, ademáis de varias preguntas e un rogo.
A primeira das mocións está referida á “participación activa do Concello burelés na difusión e promoción do leite identificado coa denominación “Galega 100%”. Esta promoción do consumo do leite “Galego 100%”, deberá facerse de acordo coa Xunta de Galicia, e en conxunto con ACIA, hostelería, asociacións e colectivos e mesmo os centros de ensino. Deste xeito, Burela estaría apoiando ó sector lácteo galego”.
En relación a esta moción, desde o GMP indican que “efectivamente Burela é un dos poucos concellos da comunidade autónoma no que non hai produción leiteira; pero sabemos o que é pedir axuda e colaboración para a nosa flota, para o sector pesqueiro, en momentos de dificultade. Por eso entendemos que debemos aportar o noso grao de area para axudarlle ó sector do leite, importante en concellos da nosa comarca que están vencellados con Burela”.
A segunda moción refírese a un asunto de ámbito estrictamente local. O Grupo Municipal do PP di que “a ordenación do tráfico no noso concello data de 2006, e desde aquela tivo mui poucos cambios, exemplo de que funciona de xeito máis que aceptable. Con todo, hai algunha intersección complexa nas que se teñen producido dificultades de tráfico e mesmo accidentes. E pola experiencia acumulada, temos claro que hai dúas de máis complexidade ca outras”.
“Tendo en conta, indican desde o GMP, que no noso programa electoral incluíamos a colocación de rede semafórica no cruce da Casa do Mar, é decir, na intersección de Rosalía de Castro con Curros Enríquez, e tamén na intersección Arcadio Pardiñas/Suafonte/Torrentes, na nosa moción solictámoslle ó Goberno municipal que nos presupostos de 2016 se inclúa unha partida económica necesaria e suficiente para poder instalar rede semafórica nas dúas interseccións citadas, sen perxuicio de que a posteriori se amplíe a rede a outras interseccións que tamén poidan precisalo. Deste xeito, continúan, contribuiríase a millorar a seguridade viaria tanto para peatóns coma para vehículos e usuarios dos mesmos”.
O GMP lembra que “a última colocación de semáforos levouna a cabo un goberno do PP, na intersección Arcadio Pardiñas/Rúa das Flores/Canabal”.
Finalmente, o GMP presentará un rogo relativo a colaboración do Concello de Burela no proceso de acollida de refuxiados das guerras de Siria e Afganistán. “A día de hoxe, non sabemos qué tén previsto facer o equipo de goberno, cando outros concellos e adminstracións, e mesmo asociacións do noso concello, xa teñen definida a súa aportación. Por eso a través deste rogo pedimos que o equipo de goberno defina á maior brevidade posible o xeito do concello de participar no proceso de acollida”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
