Lugo, 24 de setembro de 2015.- O voceiro do Goberno da Deputación de Lugo, Carlos Armesto, compareceu este xoves ante os medios de comunicación para acreditar que a proposta do PSOE para adecuar a planta alta do antigo Fogar de Santa María como Servizo de Recadación responde a un proxecto incompleto e sen a dotación orzamentaria suficiente.
“Non só se esqueceron dos traballadores durante oito anos senón que ademais omiten a existencia dun informe Provincial de Traballo e de Seguridade Social que deixa constancia das inadecuadas condicións nas que prestan os seus servizos”, precisa Armesto. Ao equipo de Goberno chámalle a atención a celeridade que veñen de amosar os socialistas cando na súa etapa á fronte da institución gastaron máis de 300.000 euros no aluguer da sede actual.
“E agora presentan unha iniciativa para o Pleno na que piden que se lle dea continuidade a un proxecto que o propio Concello de Lugo ten rexeitado. Ou Pilar García Porto se está a burlar dos lucenses ou descoñecía o traballo que se estaba a facer na área da que era responsable e ningunha das opcións a deixa en bo lugar”, censura o voceiro.
O equipo de Goberno da Deputación Provincial considera que atender a petición dos socialistas suporía incumprir a normativa vixente. Carlos Armesto explicou que o edificio, propiedade do Concello e cedido á Deputación por 99 anos, precisaría de diversas obras para poder acoller o Servizo e Recadación.
Armesto deu conta da existencia dun proxecto básico de 2014 cun presuposto de licitación de 376.120,51 euros. O sorprendente, segundo explicou o voceiro, é que o PSOE redacta este proxecto tendo informes técnicos que din que o uso do proxecto non se adaptaba ao planeamento en vigor do Concello de Lugo, que o orzamento non acadaría o grao de intervención necesario para cumprir a normativa. “Trátase dun proxecto inviable porque había actuacións como a intervención na cuberta para garantir a seguridade contra o risco de incendio que non figuraban no orzamento”, matiza.
A Deputación conta ademais cunha comunicación de abril de 2015 do Concello de Lugo na que se lle da traslado dun informe desfavorable do proxecto alegando que non xustifica nin o cumprimento da normativa acústica nin o da medioambiental. Pídeselles ademais completar o proxecto e presentar un estudo de seguridade e saúde. De novo, e tras a resposta da Deputación, o Concello emite un novo documento desfavorable ao proxecto no que se indica que non cumpre co código de edificación, nin ten licenza urbanística municipal e incluso se advirte que podería implicarar problemas estruturais para o edificio.
En resumo, o equipo de Goberno Provincial desmonta unha iniciativa do PSOE que nin convence ao Concello de Lugo, nin cumpre a normativa vixente, amais de ser unha solución cara e longa que lle podería incluso ocasionar riscos estruturais ao edificio. “Estamos ante unha nova chapuza dos socialistas, do Señor Besteiro e da súa pupila Piar García Porto”, engadiu o voceiro.
Solucións
Pola súa parte, o Goberno da Deputación estuda solucións para os traballadores o que inclúe, estudar a proposta da Cámara de Comercio, entre outras. O obxectivo, tal e como manifestou Armesto, é acadar a mellor ubicación posible para o Servizo de Recadación optimizando e rendabilizando os fondos públicos.”
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
